زِمِستان ءَ کُتَہ ھَلْوَت
مَنی تَھنائی ءِ رَنگ ءَ
نِگاھاں شیر شَنزیت شَپ
تئی زیبائی ءِ رَنگ ءَ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تئی دیدَگ مَنی اَرواہ
دوئیں دیدار ءِ بَندوک اَنت
تئی مِھر اِنت کہ آباد اِنت
دِگَہ دُنیائے ءِ رَنگ ءَ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھَما یات ءُ ھَما تْرانَگ
ھَما نوکیں گَم ءِ کِسَّہ
چِتور مَن اِنسِراں روچے
شَموشاں آئی ءِ رَنگ ءَ ؟!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تَرا دوداں کُتہ گِستا
مَن ءَ بَھت ءَ پَکیری ءِ
تَئی سُھب اِنت مُلور اِنت ھَم
مَنی بیگاھی ءِ رَنگ ءَ
Негізгі бет Zimistán - Śabír Sayad
No video
Пікірлер: 2