تقاسيم . . و من ألحانه و شعر ( أحمد حداد ) . . عيني في عينك
(( حازم شاهين ))
عيني في عينك
يعني انتِ مصدقة
بيني و بينك
أوطان متفرقة
كوابيس متحققة
و ذنوب متلفقة
إيه الحكاية بئى
مش ناوية نتصالح
يا شمس داخلة عروتي و كمي
تشبه أبويا في ضحكته لأمي
ليه كل حاجة مغيّرة حسنك
لا دي ابتسامتك
ولا ده حزنك
خدي في حضنك فقرنا و ضمّي
و خدي بإيد الحلو و المالح
و تعالي نتصالح
ذاعولنا كام غنوة و مسمعناش
و خدنا كام خطوة و ملحقناش
مين اللي كان بالخطوة دي بادئ
و ليه في مكان البيت بكون لاجئ
الفجر صادق
ليه مصدقناش
و ليه نسينا ضحكة إمبارح
و رفضنا نتصالح
عيني في عينك
يعني انتِ مصدقة
بيني و بينك
أوطان متفرقة
كوابيس متحققة
و ذنوب متلفقة
إيه الحكاية بئى
اسمك ممشي الريشة على عودي
جمبي و مسافرة امتى هتعودي
عودي ندهلك لما عودك طل
متخلينيش بالحب دا اتذل
على الأقل اعترفي بوجودي
على الأقل اعترفي بوجودي
دنا اللي بعبد فلّك الطارح
و أنا اللي راضع عيشك الصابح
ما تيجي نتصالح
عيني في عينك
يعني انتِ مصدقة
بيني و بينك
أوطان متفرقة
كوابيس متحققة
و ذنوب متلفقة
إيه الحكاية بئى
Негізгі бет حازم شاهين - تقاسيم - عيني في عينك
Пікірлер: 2