წვეთი პოეზია არ მაქვს დამიჯერე, გულით როცა ვყვები ხმა მაქვს ხრინწიანი. ყველა ცოდვა რომ ვთქვა, ალბათ დამიჭერენ, მერე სადღა გნახო ტუჩებშინდიანო... თუკი ვერ გინახე მხრებზე ნამზეური, ანდა ლავიწები, მე რომ მესიზმრება... დაბლა მიპოვნიან ფანჯრებგამტვრეული, თუმცა თვითმკველობა ისე მეზიზღება, როგორც პოეტების ყალბი ალმანახი, (წერას გულს თუ ვუდებ, უნდა მოდიოდე) ღამით მაგ თვალებში ღმერთი დამანახე, თორემ გულისცემა შემრჩა ორიოდე. ცაზე ამოჭმული მთვარე - დაღიანი, როგორც ტუჩნატეხი ჭიქა ფაიფურის, იცი, უშენობა მაშინ ვაღიარე, როცა სისხლძარღვებმა ღმერთი ჩაიბრუნეს. ახლა ვარსკვლავები არ ჩანს აივნიდან ქარი ასეული, დაქრის გამალებით, სანამ ჩემს ქუჩაზე ფეხით აივლიდე, თავი შემაყვარე ანდა გამანებე. წუხელ ავიჩემე ლარა ფაბიანი, ვარსკვლავს ვაქეზებდი გულის დატოლებით, გვერდით უნდა მეჯდე მძივებ-კაბიანი, ყველა გამოთვლით და ყველა განტოლებით. ეს კი სურვილების არის მეასედი ვიცი ამ ღამითაც სუნთქვას გაახშირებ. თუმცა ღამეები მიყვარს მე ასეთი როცა თითებს შორის ღერებს ვანახშირებ წვეთი პოეზია არ მაქვს დამიჯერე, გულით როცა ვყვები ხმა მაქვს ხრინწიანი, ყველა ცოდვა რომ ვთქვა ალბათ დამიჭერენ, მერე სადღა გნახო ტუჩებშინდიანი.
@iM0RPH3US
5 жыл бұрын
ზდრასწი ლომო ეს სადმე წაიკითხა თუ საიდან გაქვს ? ანუ კითხულობს ხოლმე თუ იცი სადმე რო მოვისმინო? ))
Пікірлер: 4