تابعوني على اكونتاتي الرسميه ❤️⤵️
----
Facebook |
/ zeyadeldasas
----
Instagram |
/ zeyadeldassasofficial
----
Lyrics :
----
مش قولتلك غيابي هيبقى حاجه عاديه !؟
لسا في بالي اتنين عيال بيحبوا بعض من إعداديه
الحُزن معشش فيا , و بكره هفرح ؟ .. - مفتكرش
بقول " مبفتكرش " و اسمك اول كل Search
و مش لاقيكي .. لسا فاكر يوم لما حضنتيني
انتي " وحشتيني " بس قوليلي ازاي هونت عليكي تسيبيني ؟
طب عرفيني .. ازاي ابطل احن ليكي ؟
قوليلي ازاي انساكي زي ما نسيتيني و اعيش بعديكي !!
ده اللي بيجي بيبعد علشان لسا بحبك مش هنكدب
كل حاجه بتتعب , بُعدك اكتر شئ بيرعب
و اديكي بعدتي عني و كل حاجه حلوه بعدت
غصب عني لسا بحبك و افتكرك و النغزه تثبت
كل ليل بتنكد انا مش قادر اعيش من بعدك
حُبك زي السرطان اللي كدبتي و قولتي انه عندك
ليه خلفتي بـ وعدك .. مش كان زماني لسا جمبك ؟
كنتي في قلبي نغزه , و انا مكنتش اي حاجه في قلبك
----
كسر قلبي صعب يتلصم بـ جبس او جبيره
و المشكله الكبيره انا منستكيش بـ ازايز بيره
مكانش امير لكنه قلبه اختار اجمل اميره
امنيتي الاخيره تبقى دي النغزه الاخيره
--
كسر قلبي صعب يتلصم بـ جبس او جبيره
و المشكله الكبيره .. انا منستكيش بـ بيره
مكانش امير .. لكنه قلبه اختار اميره
امنيتي الاخيره تبقى دي النغزه الاخيره
----
حاولت ابيّن اني تمام فضحتني عينيا ..
شوفنا افلام و نسيت اشوف الفيلم اللي عملتيه عليا
كنت بحسك بنتي و بين إيديا .. و " مشيتي خلاص "
مسحتي كل احلامنا اكمني راسمها بالرصاص
و دي اخرة صبري .. تعبت خلاص فوضت أمري
ودوني لـ قبري , حزنت و متهمتش قمري لأمري
قولتلك " خليكي " بس إنتي سمعتيها " سيبيني "
بنتي الحنيّنه كبرت و حلفت لا تربيني
عرفيني ازاي .. بعد اللي عملته ده كله اتساب !!
و بدون عتاب محتاج لـ حُضن بعد كده كملي غياب
فاكر ملامحك .. و لسا مازال في قلبي جرحك
انتي ياللي علمتيني اسامح رُوحي الله يسامحك
هونت عليكي و انتي مازلتي مش بتهوني
يا نور عيوني ازاي تخوني لسا بجرحك بيعايروني
مش عايز اشكي .. و مش عايز لـ غيرك احكي
" جابوا سيرتها في وسط موضوع قولت ابكي "
----
كسر قلبي صعب يتلصم بـ جبس او جبيره
و المشكله الكبيره انا منستكيش بـ ازايز بيره
مكانش امير لكنه قلبه اختار اجمل اميره
امنيتي الاخيره تبقى دي النغزه الاخيره
--
كسر قلبي صعب يتلصم بـ جبس او جبيره
و المشكله الكبيره .. انا منستكيش بـ بيره
مكانش امير .. لكنه قلبه اختار اميره
امنيتي الاخيره تبقى دي النغزه الاخيره
----
كان عندهم حق لما قالولك اني مش هنفعك
فـ غيبي لو راحتك في بُعدي براحتك مش همنعك
كنت هودعك .. بصيت لقيت ايدك في ايده
الله يزيده , قلبي لو هيحب حد تاني هبيده
من يوم ما سابت قولت " ثابت " و انا بميل و بَقّع
هي عليا اتغابت , قلبي باهت مملي احزان و بُقع
شوفيني .. بعدك بقيت حزين و ايش صاير فيني ؟
انا مش جميل ولا بالشكل اللي يخليكي تحبيني
انا حزين انا .. و هي عايشه في هَنا
بتمنى يكون ده كابوس و افوق من النوم ألقاها هِنا
كفاني حُزن كفى .. بعدها الفرح اختفى
كان صوتها بيحسسني بـ دفا في عز الشتا
راح فين حُبنا .. و ازاي طلعت وعودك فارغه ؟
عينيكي كانت بحر كنت ابص فيها فـ اغرق
قولتلك : نرجع .. قولتيلي : خلاص مش عايزه
بتمنى اموت و ارتاح و تبقى ديا اخر نغزه
----
كسر قلبي صعب يتلصم بـ جبس او جبيره
و المشكله الكبيره انا منستكيش بـ ازايز بيره
مكانش امير لكنه قلبه اختار اجمل اميره
امنيتي الاخيره تبقى دي النغزه الاخيره
--
كسر قلبي صعب يتلصم بـ جبس او جبيره
و المشكله الكبيره .. انا منستكيش بـ بيره
مكانش امير .. لكنه قلبه اختار اميره
امنيتي الاخيره تبقى دي النغزه الاخيره
----
لما عرفت تعبك جيتلك و نسيت كل حاجه حصلت
كلمت كل صحابك و اتذليت عشان اوصلك
سألت " بعدتي عني ليه ده انا مغلطتش في حاجه ؟ "
بكل قساوه قولتي " مش راجعالك بقى كبر دماغك "
مسكت ايدك فـ اتعصبتي و زعقتيلي
قولتيلي .. " انت اللي قتلت نفسك مش قتيلي "
ازاي بسهوله تهدي عليا كل اللي بيتبني ؟
- ما تفوق من وهمك انا مطلبتش اصلاً تحبني
طب نرجع علشان خاطري .. - ملكش خاطر عندي
- امشي .. مش همشي ده انا محدش حبك قدي
قولتلك " بحبك " .. و استنيت اني اسمع منك رد
فـ اتصدمت .. " خلاص يا زياد احنا مننفعش لبعض "
كانت بتكلمني و اتحرجت و عيني جت في الارض
صوتها اللي بيطمني كنت سامعه في ودني رعد
اخر كلام مازال بيرن في ودني للنهارده
فيه حد في حياتي غيري !؟ .. - انت مش في حياتي اصلاً
----
كسر قلبي صعب يتلصم بـ جبس او جبيره
و المشكله الكبيره انا منستكيش بـ ازايز بيره
مكانش امير لكنه قلبه اختار اجمل اميره
امنيتي الاخيره تبقى دي النغزه الاخيره
--
كسر قلبي صعب يتلصم بـ جبس او جبيره
و المشكله الكبيره .. انا منستكيش بـ بيره
مكانش امير .. لكنه قلبه اختار اميره
امنيتي الاخيره تبقى دي النغزه الاخيره
----
Written By : Zeyad El-Dassas
Vocals : Zeyad El-Dassas
Music : (Prod By : Yousif Ozil)
Rec : Room 9 Studio
Mix & Master By : Ehab Samir
Poster By : Abdo Moharam
----
#زياد_الدساس #النغزه_الاخيره
Негізгі бет زياد الدساس - النغزه الاخيره | Zeyad El-Dassas - El Naghza El Akhera
Пікірлер: 90