عزيز علي القلب
لما يذكر عم ابراهيم الحجار اللي بنحتفل النهاردة بذكراه ٤ سبتمبر ٢٠٠٠ يبقى فورا لازم نفتكر عزيز علي القلب اللي بننهي بها الاحتفالية بذكرى رحيله ربنا يغفر له و يرحمه.
عزيز على القلب تمنيه و توعده بقرب وصالك
و بعدها ترجع تجافيه يحتار في قربك و دلالك
عزيز على القلب …. عزيز على القلب
عزيز على القلب تمنيه
يا قلبي صدّقت وعوده وفضلت عايش بالاوهام
تستنى هيمان مواعيده لو طيفه زارك بالاحلام
سلّمت له قبل ما سلّم و الودّ كان باين في عينيه
ساب العوازل تتكلم عن هجره ساعة وساعة عليه
عزيز على القلب …. عزيز على القلب
عزيز على القلب تمنيه
لكن ده حاله من حالك و ليه بتبكي من هجره
يمكن يكون اللي جرالك جراله بعد ما طال صبره
ونشوة الحب الهجران ده يجدد الشوق و يزيده
وعذابه في طول الحرمان بالوصل يحييه و يعيده
عزيز على القلب …. عزيز على القلب
عزيز على القلب تمنيه
الصبر و الله يا قلبي دواك خليك على عهدك لو طال
مسير حبيبك يبقى معاك و تعيش معاه مرتاح البال
يا رب تجمع كل حبيب و تبعد العذال عنهم
و يوم صفاهم يبقى قريب بالفرح دايما تساعدهم
عزيز على القلب …. عزيز على القلب
عزيز على القلب تمنيه
عزيز علي القلب
كلمات محمود أبو الناس
لحن و غناء الاستاذ ابراهيم الحجار
تمنياتي بطيب الاستماع 🌹
Негізгі бет عزيز على القلب - إبراهيم الحجار
Пікірлер