ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
احذري الخدع النرجسية دي لان اخرها سيء
طول ما انتي عايشة مع النرجسي حتى لو قدرتي تعدلي سلوكه حتقابلي الخدع النرجسية برضه لانه الطبع بيغلب التطبع مالم يشفيه الله
طيب حنتعامل ازاي مع الخدع دي؟ انتي أصلا لما تفهميها حتتعاملي معاها بشكل تلقائي ومع ذلك انا بقول لك رأيي برضه وانتي بتاهديه كتوجه او بفتح لك كدة أفكار
حقول لك كام خدعة من خدعه وازاي تتعاملي معاها
١- اول خدعة انه لما يكون بيتعرف على مصدر جديد يبدأ يتكلم عنها ادامك ويكلمها ادامك عادي جدا ويحسسك انها مجرد زميلة او صديقة ومفيش حاجة ودة عشان يفهمك انه لو فيه حاجة غلط مكنش يعرفك بيها أصلا وانتي أصلا لما تبدأي تقلقي من العلاقة بينهم وتتكلمي في أسلوبه او كلامه الكتير يقول لك هو انا لو بيني وبينها حاجة مكنتش حعرفك بوجودها أصلا ، لو انتي متعافية تماما حتقولي في نفسك ع البركة يارب تاخده وتمشي ، واذا لسة فبرضه تجاهلي الموضوع وماتخليهوش بؤرة معارك ملهاش أي لازمة الا لو عايزة تديه فتات خبز وقود سلبي ممكن تنكدي عليه نكداية صغيرة كدة ع الماشي
٢- نيجي بقى لتاني خدعة نرجسية سامة الصداقة بين الذكر والانثى قولوا عليا رجعية او قولوا قديمة او مش اوبن ميندد كل دة انا وحاباه جدا اذا كان في مرضاة الله ، ليه بقى؟ عشان اللي بنشوفه من النرجسيين وخراب البيوت العمرانة او اللي مش عمرانة، النرجسي لما يلاقي زوجة مطفية وحزينة وفي نفس الوقت جدعة وناجحة في شغلها يدخل لها مدخل الصداقة ،وطبعا اصل دة الكوميونيتي بتاعنا ، وكدة عادي واحنا دة أسلوب حياتنا واحنا أصدقاء بجد ومش بنعمل حاجة تغضب ربنا وكل الكلام دة اللي بتكون البنت او الزوجة متخيلاه او دي نيتها واللي بيحصل ان الحالات اللي بتمر بموضوع الصداقة دة كلها بتيجي تقول ان العلاقة اتحولت من صداقة لحب سواء بينها وبين صديقها او بين جوزها وبين صديقته او زملاء العمل اللي بيقربوا منهم بشكل زايد ، شوفي هو انتي يكون فيه زميل عمل تمام صديق عائلة وكلنا نقعد نتكلم جايز يكون مقبول لكن صديق انتيم واكلمه في التليفون واحكي له قصة حياتي وجوزي مقصر معايا وانا شفت شات مع واحدة بيقول لها مااحلا شفايفك طيب الكلام دة ينفع يتقال من واحدة لواحد غريب ؟ ينفع يتقال لاخوكي أصلا ، الحياء نصف الايمان خدي بالك ماينفعش نقول الكلام دة وبعدين نقول انا بخاف ربنا ومش بعمل حاجة غلط لان الانتمة بين رجل وامرأة دة عين الغلط وفتح لباب الشيطان وخلوات في التليفون وعايزة أقول للي حيقول خلوات ايه وبيننا بلاد ان دلوقتي وصلنا ان فيه علاقات بتتم ع الفون وع الفيديو كولز فهي خلوة وخصوصا بقى لما انتي بتستني لما جوزك ينام عشان حتشتكيه وطبعا الصديق المزعوم حيستنى لما زوجته تنام عشان ماتغيرش فهي خلوة ولا مش خلوة ؟
طيب الموضوع دة يطول شرحه وهو يعتبر من الخدع النرجسية المميتة اللي بتخليكي تخسري قربك من ربنا وبتخسري السند الحقيقي وتبدليه بشيطان الانس اللي بيبدأ القصة باحنا أصدقاء وانا موجود عشانك في أي وقت وانتي لازم تكوني متطمنة معايا وهو يحكي عن عيوب زوجته وانتي تحكي عن عيوب زوجك وانتي مش فاهمة انه بيصطاد في المية العكرة وانه كذاب وزوجته زيك بالظبط بتدي وبتموت نفسها عشان ترضيه وهو ولا هنا هو عينه مايملاها الا التراب ، وفجأة تلاقي نفسك اتزحلقتي ورجلك جت في الفخ وماخفي كان اعظم فاحذري الصداقة بين الجنسين ماتخالفوش شرع الله واحذروه
٣- ثالث خدعة سامة من خدع النرجسي انه يجرك لارض الملعب ،وانتي عارفة اللي بيحصل في ارض ملعب النرجسي ازاي بيجرك ؟ ححكي قصة حالة : بتقول النرجسي كان متصاحب على زميلته في الشغل تليفونات ادامي وادام الأولاد وعيلته وكل الناس وطبعا دي زميلة ماهو لو فيه حاجة مكنتش اكلمها ادامكم "الخدعة اللي فاتت" المهم العلاقة تعمقت بينهم وواجهته وسبت البيت ورجعت وهو سافر وبقينا بنتقابل في الاجازات وكل إجازة نتخانق خناقات كبيرة بسببها وبعدين فهمت انه نرجسي وعملت التشافي وسفره ساعدني وربنا اعانني وبدأت اتجاهل موضوع صاحبته وهي كانت بتسعى كل المساعي عشان اطلب الطلاق من النرجسي وهي تتجوزه وكانت بتتواصل معايا تديني معلومات معناها انها على علاقة بالنرجسي وانا كنت بعمل مش فاهمة وبعد التعافي بقيت اتجاهل مكالماتها ارد مرة وماردش عشرة لحد ما قطعت معاها تماما ومبقتش اتخانق معاه بسببها ولكن كانت هنا المفاجأة ، هو طبعا غدار كالعادة غدر بيها ورماها ولكن مستمر في الكلام عن الموضوع وكل شوية يجيب سيرتها عشان اتخانق زي زمان وانا أقول له انا مش عايزة أتكلم في الموضوع دة خلاص انا قفلته وهو يقول انا سيبتها وانا أقول له دي حاجة بينك وبين ربنا انا مليش فيها ويسكت يسكت ويرجع يفتح الموضوع ليه؟ عشان يجرها لارض الملعب عايزين معركة ووقود واحساس ان الاتنين بيتخانقوا عشاني ، الحالة بتقول لما كنت احكي له مكالماتها وأواجهه بكلامها كنت بشوف سعادة عجيبة في عنيه وكنت مش فاهمة انه فرحان اننا بنتخانق عليه وانه طبعا بياخد وقود سلبي من انهايري في كل مرة انجر فيها لارض الملعب ..العجيب بقى في الموضوع انها بتقول لما كانت تبدأ هي المعركة كان يقول لها مش عايز أتكلم في الموضوع ويزعق وكفاية نكد ولما هي بطلت تتكلم فيه بقى هو اللي يفتحه ويستفزها بالكلام عشان ينزلها الملعب لكن هي كانت أصلا خلصت لعب وخرجت أصلا من الفريق بتاعه وسابته يخبط دماغه في الحيط . ماتنزليش الملعب ابدا وحذري الخدعة دي
#النرجسي #الحرب #التعايش #الخداع #اللؤم #النرجسية #القوة #الذكاء #مشاكلـزوجية #زواج #ازواج #زوجات #اسرة #النرجسيالخفي #حبينفسك #النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي
Негізгі бет ٣ خدع نرجسية مهلكة احذريها واتعلمي تتعاملي معاها
Пікірлер: 133