الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
الانفصال العاطفي نوعين نوع بيحصل بين الأزواج ونوع بيحصل بينك وبين نفسك ، الانفصال العاطفي بين الأزواج ودة اللي حنتكلم عنه النهاردة ،اللي احنا بنقول انه لازم يحصل بينك وبين النرجسي لانك مش حتقدري تعيشي حياة شبه طبيعية لو ماقدرتيش تعمليه ، ليه؟ حتفهمي ليه لما تسمعي الحلقة للاخر
في حالات كتير بيكون الأزواج عايشين مع بعض في البيت ولكن منفصلين عاطفيا .. يعني مفيش بينهم أي تواصل ولا اهتمامات ولا مشاركة في أي حاجة في الحياة، مفيش شغف للحفاظ على العلاقة يعني عايشين وخلاص تقضية واجب واجهة اجتماعية او بحجة الأطفال بس هي الحياة بينهم ملهاش وجود في الواقع . ممكن الانفصال ده يحصل للاتنين في نفس الوقت وممن يحصل لطرف واحد فيهم ، يفقد قدرته على التواصل مع الشريك ويحس انه مبقاش يحبه طيب ليه بيحصل الانفصال دة وليه لازم يحصل مع النرجسي والطبيعي والفطرة انه يحصل والدليل على كدة ان بعض الحالات بتيجي تقول لي انا تعافيت وانفصلت عنه نفسيا من قبل ما اسمع أصلا عن النرجسية ليه للأسباب اللي حقولها لكم دي
أولا : انعدام التوافق العاطفي: يعني ايه يعني يعني فيه اختلاف كبير في التفكير والمعتقدات والقيم والاهداف وشكل الحياة والنظرة للناس والعالم والاهتمامات طيب الكلام دة جايبينه من بحث بيتكلم عن الناس الطبيعية ولو طبقناه عليكي انتي والنرجسي حنلاقي ان اول سبب للانفصال العاطفي اللي لازم يحصل اللي هو بالعربي يعني التشافي والتخلص من الإدمان والتعلق المرضي اول سبب موجود انتي أصلا في وادي والنرجسي في وادي انتي تفكيرك ومعتقداتك وافكارك واهتمامتك واقيمك مش مختلفة عنه دي معاكسة تماما له انتي بتسعي للحب والخير والعطاء والقيم والدين وهو سعيه في الاتجاه المعاكس فانتي بالفطرة لازم تنفصلي عنه عاطفيا
طيب ثانيا : الغيرة وعدم الثقة : الغيرة الزياده الغير مبررة والشك طول الوقت بيخلي مفيش ثقة وبالتالي مع الوقت المشاعر بتقل وتختفي وطبعا مش محتاجة أتكلم عن اللي بيعمله النرجسي فيكي لو كان من النوع اللي بيشك او اللي معاه بارانويا بيكون شكه وغيرته وغير انه بيدعي الغيرة من باب السيطرة والتلكيك وغير انه بيخليكي تغيري بشكل جنوني عن طريق التثليث ، فهنا مفروض من غير ماتحاولي تتعافي انتي بيحصل لك فتور في المشاعر تجاهه وبتبدأي تنفصلي عنه عاطفيا
ثالثا :بيقول لك من الأسباب اللي بتؤدي للانفصال العاطفي عدم التوازن في العطاء والاخذ: يعني واحد يحس انه هو اللي علطول بيدي هو اللي بيعمل كل حاجة عشان ينجح العلاقة وعشان الطرف التاني يرضى ويهدا وينبسط ويحمد ربنا ع النعمة وهو متنح مش بيبذل أي مجهود ولا حتى بيظهر أي تقدير لجهود شريكه ودة هو حالك مع النرجسي
رابعا :الضغوط الخارجية : زي اهتمام الشريك بالعمل على حساب حياته الشخصية، يفضل يدي كل وقته لشغله لحد ما يغرق فيه ولما يفوق يلاقي نفسه بقى لوحده ومفيش أي روابط عاطفية بينه وبين شريكه، او المشاكل المالية ، او تدخل العيلة في حياة الشريكين وكل دة حاصل معاكي بالحرف الواحد
طيب لما يكون عندك كل الأسباب اللي تخليكي تنفصلي عاطفيا عن النرجسي ولسة حاسة انك مش قادرة تبطلي تحبيه وانك مش قادرة تبعدي عنه ولسة بتغيري عليه ولسة خايفة يزعل ولسة خايفة يسيبك يبقى دة اسمه ايه ازاي الفطرة السليمة بتاعتك ماخلتكيش تبطلي تحبيه مش حقول لك تكرهيه ، ليه لان انتي هرموناتك بايظة هرموناتك هي اللي واهماكي بحبه انتي مش بتحبيه لو كان اللي بينك وبينه حب كان خلص نتيجة الحاجات اللي قلناها ناهيكي عن الأذى اللي بيسببه لكي طول الوقت فالسبب ورا عدم انفصالك عنه عاطفيا هو الإدمان والتعلق المرضي واللي لازمك التشافي عشان تخلصي منه
لكن فيه حاجة مهمة جدا لازم تكوني فاهماها عشان الانفصال العاطفي دة مايكونش له اثر سيء عليكي زي انك تحزني وتتألمي مثلا انك فقدتي شريك حياتك المزعوم ،او انه يحصل لك اكتئاب وقلق بسبب الوحدة وفقدان الدعم او انخفاض الثقة بالنفس نتيجة الشك في النفس اللي بيسببه لكي النرجسي خصوصا لما يوهمك ان انتي السبب في فشل العلاقة وانتي السبب انه خانك وانتي السبب في ثقب الوزون ، او انك تمرضي او تهملي صحتك وتغذيتك ولانك مش قادرة تتجاوزي الصدمة ، لازم تفهمي ان الانفصال العاطفي بيكون مؤذي اذا انتي مش مجهزة لنفسك حياة جديدة وخطة جديدة مفهاش الشخص المستغل المؤذي اللي انتي فاكرة نفسك بتحبيه وكنتي فاكراه بيحبك ، لازم تكوني لنفسك فريق دعم ولو كان من اطفالك اللي مش فاهمين حاجة لان انتي محتاجة دعم عاطفي ودة ممكن تاخديه من قطة بتحبك وتجري عليكي لما تدخلي من باب الشقة فما بالك اطفالك اد ايه دعمهم العاطفي بيكون قوي وكافي ، لازم يكون عندك بديل حقيقي لحب حقيقي مش حب مزيف ومخادع
طيب هو ايه أصلا اللي ممكن يخلي الحب يختفي بين اتنين حبو بعض واختارو يكملو حياتهم مع بعض بكامل ارادتهم ؟؟ هل ممكن فعلا ان الحب يخلص او ينتهي؟
الحب هيخلص لما لما تلاقي نفسك بتعملي كل حاجة لوحدك ، يعني بتتبسطي لوحدك من غيره ، بتزعلي لوحدك ، بتخلي بالك من الولاد لوحدك، بتخرجيهم لوحدك، بتصحي لوحدك وبتنامي لوحدك ، مفيش أي مشاركة في أي حاجة في الحياة، لما تحتاجي حد جمبك ومتلاقيهوش، ويبقى عارف انك محتاجاه ويقولك معلش اصل مش فاضي، في أزمات كبيرة مثلا وانتي لوحدك تماما ، الخذلان مرة بعد مرة هيقتل الحب ، لما تلاقي نفسك دايما مش أولوية عنده ،يعني لما يفضالك بعد شغله واصحابه وامه ويعمل الواجب مع الناس كلها وبعدين يجي عندك انتي ويبقى مش قادر يعمل أي حاجة ويقولك شيليني بقى انا تعبان !!
كل ده مع الوقت كفيل انه يقتل الحب ويقضي عليه تماما ويوصلنا في النهاية لحالة الانفصال العاطفي
عشان كدة دايما أقول لك جايز في الأول حبيتيه لكن لما حصل بينكم كل دة خلاص الحب خلص وبقي الإدمان
#صحةـنفسية #القوة #الاكتئاب #النرجسي #النرجسية
Негізгі бет ازاي تحققي الانفصال العاطفي عن النرجسي حتى وانتي عايشة معاه
No video
Пікірлер: 125