22 маусым Көктал ауылдық кітапханасы «Ақын, аудармашы, ғалым» атты Ахмет Байтұрсынұлына 150 жыл толуына орай видеоролик ұйымдастырды. Ұлттық мәдениет пен әдебиеттің, білім мен ғылымның туын көтерген, «қазағым» деп жүрегі соққан, халқын алға жетелеуге ұмтылған, оның зердесіне сәуле түсіріп, санасын оятқан Алаш тобының рухани көсемі, тіл білімінің атасы - Ахмет Байтұрсынұлы.
Ахмет Байтұрсынов ұлттың ұлы ұстазы, ағартушы-ұстаз, тілші-ғалым, аудармашы, ақын, ауыз әдебиеті үлгілерін жинаушы, өз халқын сүйген патриот адам.«Біз әуелі елді түзетуді бала оқыту ісін түзетуден бастауымыз керек» деген Ахмет Байтұрсынұлының биыл осылайша ұлықталатыны қуанарлық жағдай. Бұл да азаттықтың арқасы. Өйткені, қазақты аяусыз қырған «қызыл империя» тұсында Алаш арыстарының аттарын атаудың өзі қылмыс саналды. Ендеше, туған халқының бостандығы жолында құрбан болған қайраткерлердің барлығы да елдік пен ерліктің өшпес өнегесі ретінде әспеттеле беруі керек. Ал, ғылым мен мәдениетімізге қалтқысыз еңбегі сіңген терең ойлы Ахмет Байтұрсынұлы ұрпағының жадында зерделі тұлға боп мәңгілік сақталары анық.
Негізгі бет А.Байтұрсыновқа 150жыл
Пікірлер