A ranar 7 ga Fabrairun 1975 aka bude Kaduna Central Market.
Tun a ranar 17 ga Afrilun 1972 hukumar cigaban Kaduna karkashin Alhaji Adamu Dikko ta gabatar da kudurin gina babbar kasuwar.
A ranar 1 ga watan Yunin 1973, ne kuma aka aza harsashin gina babbar kasuwar ta Kaduna da a yanzu ake kira Abubakar Gumi Central Market.
A wancan lokacin an kashe naira miliyan 3 da dubu 500 wajen gina kasuwar karkashin gwamnan mulkin soji na jihar Arewa ta tsakiya Birgediya Abba Kyari.
Dama dai akwai kasuwa a gurin sai dai ta cinkushe sakamakon yawaitar al'umma da kasuwanci a Kaduna, wanda hakan ne yasa gwamnati tayi mata gini na zamani tare da fadada ta.
Sai a rana irin ta yau 7 ga Fabrairun 1975 gwamnan jihar arewa ta tsakiya Birgediya Abba Kyari, ya jagoranci bude kasuwar bayan da aka kammala ta.
Sabon ginin kasuwar yankushi bangarori da dama da suka hada da bangaren masu sana'ar kifi da nama da masu sayar da kayan masarufi da kayan sawa da dai sauran su.
Haka kuma an tanadi guraren kwashe shara 10 da mazuben shara 75 da rumbun adana ruwa 7.
Baya ga gurin ajiye abin hawa an kuma samar da wayar tarho domin sanin halin da kasuwa take ciki a koda yaushe da jiniya koda za a samu iftila'il gobara da sauran kayan alatu irin na wancan lokaci.
A lokacin dai gwamnatin arewa ta tsakiya ta rinka bayar da hayar runfuna da gurare a cikin kasuwar ta Kaduna Central Market kan farashi daban daban.
Tsarin wata wata akayi wajen biyan kudin ga masu karbar haya. Akwai masu biyan naira 30, 7, 15, 50, 40, da naira 25, ya danganta da sashi da kuma girman gurin da mutum yake son karba.
A shekarar 1994 ne kuma aka radawa kasuwar sunan fitaccen malamin arewacin kasar nan Shiekh Abubakar Mahmud Gumi Market.
Негізгі бет A rana irin ta yau: Fabrairu 7, 1975 Aka buɗe Babbar Kasuwar Kaduna
Пікірлер