अजे तक तो पुराणा हां न आया आज के बळ में,
घणे ही हेत न साम्या खड्यो यो हैल आंचळ में।
अजे तक तो हवा में पुरखा तो परताप महके हैं,
अजे तक तो रमे हैं ऊँट घोड़ा गढ़ री बाखल में।।
बड़का री बड़ी भारी रखा कमाईंया साथे
अपनायत भरी बरखा, घणी बरसाईया साथे,
काळ को तो काळ जाणे, काळ के होसी,
अजे तक तो बिराजा हा म्हे सारा भाईयां साथे,
तेजी में घणी तासीर, मन उतावलो बाजे,
आन अर मान खातर रगत सांचौ बावळो बाजे
अजे तक तो रह्वा हा सारा भेळा एक ही गढ़ में,
अजे तक तो किशन सिंघ को ही सारो रावलो बाजे।
बडका पाण हा नामी, मिल्यो ऊँचो घणो दरजो
घट घट घूमणे देखो, घणो ही आपणो चरचो,
एजे तक किस्सा अर कहानियां में गाया जावां हा
एजे तक तो जगत में एकता को आपणो परचो।
थारे पर बड़का री जागीर अर मरजाद उधारी हैं,
अब देखा की कुण लाल कद किया संवारी हैं।
राखा हा घणी आशा, नयोड़ा राख ही लेसी,
अजे तक तो सम्भाल्यो म्हे, आगे थारी बारी हैं।
दिग्विजय सिंह गोगटिया
Негізгі бет अजे तक .......
No video
Пікірлер: 4