Respublika Klinik Xəstəxanasına bu ilin 6 ayı ərzində 13140 xəstə müraciət edib. Şikayətlər ən çox böyrək, ürək-damar, mədə, hemofiliya və dağınıq skleroz xəstəlikləri ilə əlaqəli olub.
Xəstəxananın baş həkimi TELMAN İBADOV əsas problemin böyrəklə bağlı olduğunu deyir:
"Ən çox xəstələr, son vaxtlar artan problem böyrək xəstəlikləridir. Əvvəllər böyrək xəstəliklərinin sayı nisbətən az idi. Xüsusən, hamilə qadınlarda böyrək xəstəlikləri artıb. Vaxtında müalicə olunmayanda nefropatiya, eklampsiya, böyrək çatışmazlığına səbəb olur ki, bu da çox ağır patologiyadır".
Respublika Klinik Xəstəxanasına müraciət edənlərin arasında İran, Türkiyə və bir sıra Avropa ölkələrində müalicə alıb səhhətində fəsadlaşma yaranan xəstələr də var. Bundan başqa, regionlarda kadr çatışmazlığı səbəbindən əsasən, böyrək və cərrahi xəstəliklərdən əziyyət çəkənlər də Respublika Klinik Xəstəxanasına müraciət edirlər.
"Əsasən böyrək xəstəlikləri, cərrahi xəstəliklər, xüsusən hamilələr müraciət edir. Hamilələr ağır vəziyyətdə olur, rayonda bunu etmək olmur. Rayonda gah nefroloq yoxdur, gah endokrinoloq yoxdur. Bu xəstələrə isə çoxsaylı həkimlərin yardımı lazımdır. Elə xəstələr var ki, ona 20-30 konsultant lazım olur".
Bu ildən etibarən Respublika Klinik Xəstəxanasında endoskopik əməliyyatlar da həyata keçirilir. İndiyədək xəstəxanada 100 belə əməliyyat uğurla həyata keçirilib.
Xəstəxanada ölüm halları 0,4 faiz təşkil edir. Hər 1000 xəstədən 4-də ölüm halı qeydə alınır ki, bu da inkişaf etmiş Avropa ölkələri səviyyəsindədir. 1960-cı ildən fəaliyyət göstərən 660 çarpayılıq xəstəxana çox profillidir, 23 stasionar şöbədən, 1 poliklinikadan, diaqnostik və yardımçı şöbələrdən ibarətdir. Xəstəxanada 326 həkim, 556 orta tibb işçisi fəaliyyət göstərir.
Негізгі бет Böyrək xəstələrinin sayı artıb
Пікірлер