Жамбыл облысында Аса ауылының жұрты балаларын байлап бағуға мәжбүр. Өйткені жергілікті әкімдік көше жағалай канал қазып тастаған. Осылайша ойын баласын көзден таса қылуға қорыққан көпшілік, қазылған орды қайта жабуды талап етеді. Айтуларынша, ауыл іргесіндегі егістік алқапқа ағын суды әкелуді әкім әдейі істеген дейді. Ағысты суды ауыл ішінен өткізудің астарында - меншігіндегі жерге аяқ бастырмау жатыр дейді. Әріптесім Нұрадин Рақай анық-қанығын біліп келді.
Жаугершілік заманда жағалай ор қазу қорғанудың тамаша тәсілі болған. Бүгінде бұл дәстүрді Жамбыл ауданының әкімдігі жалғастырған. Бірақ қай жаудан сақтанғаны белгісіз. Бір анығы қазылған ордың ішінен су жүргізбекші. Ал тілсіз жаудың дәл үй іргесінен өтуі балалар үшін қауіпті деген елге айтқан кеңестері мынау екен.
ЕСКЕНДІР ЖАҚАНОВ, Аса ауылының тұрғыны:
- Балаларыңды өздерің қарап жүріңдер. Мал баққандай етіп дейді. Қашанғы баланы қарап отырамыз? Ойнап шығып кетеді.
ЖАНДОС БАСТЫҚОВ, Аса ауылының тұрғыны:
- Осы каналды тазалап бастаған тереңдетіп. Балаларыңды малша үйлеріңде ұстап отырыңдар деп айтады. Баланы үйден шығара алмай қалдық. Былтырдың өзінде екі бала түсіп шықты. Зорға елдер құтқарып қалды. Көріп қалды. Көрмесе не болады.
Аттылы адам аттап өте алмас арықтан ағын судың нөпірін елестеткен ел елеңдеулі. Арнасын бұрып дәл осы жерден канал қазудың астарында, мына алқапқа су әкелу жатыр дейді ел. Не егістікке тірі жанды аттап бастырмасқа жасалған амал деп отыр. Өйткені...
ЕСКЕНДІР ЖАҚАНОВ, Аса ауылының тұрғыны:
- Әкімнің жері дейді. Осы аудан әкімінің жері. Сол келеді, сол кісі жылқысын бағады қысымен. Сол кісінің жері. Арықты сол малы өтпесін, адам өтпесін деп қазып жатқан шығар.
Бірақ ауыл әкімі қауіп төндірген каналдан астар іздемеуге шақырады. Өзен суының өзге арнамен жүргізуге амалсыздықтан барғанын айтып ақталады. Айтуынша негізгі каналға құрылыс жүргізіліп, бұл уақытша қазылған арық дейді. Ал жердің кімнің меншігінде екенін жұмбақтап қалды.
БАУЫРЖАН ҚАЛШЫНБЕТОВ, Аса ауылының әкімі:
- Болашақта мына көшенің екінші беті түседі. Сол кезде жабылады. Ал жер кімдікі? -Жергілікті жердікі. Жеке шаруа қожалығының жері. -Нақты кімдікі екенін айта аласыз ба? -Мен айта алмаймын. Айтқанда ыыыы, жоқ
Аса өзен суы Қуат каналынан жүруі тиіс. Бірақ мұнда құрылыс болғандықтан уақытша осындай канал қазылыпты. Өйткені төменгі ауылдарға су жетпей жазда қуаңшылық болар қауіп бар дейді шенеуніктер. Оған дейін осылай, ойын баласын байлап бағудан басқа амал жоқ.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет «Балаларыңды малша үйлеріңде ұстап отырыңдар дейді»
Пікірлер: 98