Han tnaɛec n izli n uḥidus nna d-ibbey Ccix Ɛmer g temdint n Ugadir g wayyur n ibril n useggas n 1994 :
1-
Idda lferḥ n wulawen munn d unemri !
Ka ur ixessa, tudert-a tga leɣyar !
2-
Han almu iswa s inegyan d urekkiẓ !
Meqqar da iggar ileǧǧigen, imessus !
3-
Nniyt ayd walu, ccerɛ, izla-t lxuf !
Ku yuwen idelḥ ad itteɛbad gar rray !
4-
Ur da ttamneɣ Lislam igan iḥḥramiten !
Iwaliwen ammid lanebya, iɣef akafer !
5-
Ggudin winna isebbeben i luqt at-taḍer !
Gan i tḥellal tubedda, taccek nniyt !
6-
A iger, ixdem-ak ufellaḥ gar rray !
Da sɣarr lluz, iger targwa s asif !
7-
Lbazz ikna, tuweḍ tadawt akal !
Ifullusen, a aɣulid, a k-yulin !
8-
Tekka ɣif-s, a ag afud iḍer akal !
Isal ur d-ifaq Ugadir n Iɣir !
9-
Awiss mayd d-ikka lebla-ddeɣ a’ k-nsal ?
Unna igan lfahim iwajeb i imek-i !
10-
Ad ak-faserɣ a iɣef mayd i-tennid :
Lbaṭṭel ittemraran as ijra imek-i !
11-
Xir-ak a’ k-tegraẓ, tujedd i ka n tunant !
Keyyin ayd iqqaren i lebla ẓar-k, a ḍḍalem !
12-
Adday yaweḍ lajel, winna yeɛṣan
Ur baḍen i tenna d-ikkan ɣur Rebbi !
Негізгі бет CCIX ƐMER : IZLAN N UḤIDUS (Agadir, ibril 1994)
Пікірлер: 6