大野🐰小煮意🌶️泰式香茅豬頸肉 🐷
去泰國餐廳食飯香茅豬頸肉必點菜式,其實自己整都好容易整到,預先醃好用煎方法做方便又簡單,再配埋青檸蒜香醬汁更加好味。
✨材料✨
豬頸肉 1 磅
香茅 3 枝
蒜頭 8粒
🌟醃肉調味料🌟
魚露2湯匙
煲仔飯豉油 / 老抽 1茶匙
三溫糖 4茶匙
🌟醬汁材料🌟
泰國青檸檬 4個
蒜頭 8粒
紅蔥頭 2個
紅雀眼辣椒 2隻
魚露 1湯匙
三溫糖 3茶匙
青檸汁 3湯匙
✨做法✨
1️⃣豬頸肉清洗乾淨印乾水份,用叉在豬頸肉兩邊拮窿,用較剪將邊位剪開。
2️⃣香茅硬的部份切走再搣走硬的外皮,然後拍散再切開、蒜頭一開二不用切太細。
3️⃣用一個大碗將切好香茅,蒜頭、醃肉調味料全卻撈勻,放入豬頸肉用手撈勻令醃料更容易吸收,放在碟上蓋上保鮮紙放入雪櫃醃6小時,醃到3小時取出將肉反轉一下。
4️⃣泰國青檸榨汁後將蒜頭、紅辣椒稍為切開放入搞碎機再加入青檸汁、魚露及糖一齊打碎,再加入紅蔥頭再打碎,將整好醬汁放入雪櫃內備用。
5️⃣準備煎肉前30分鐘將肉取出等肉回復室溫及用廚紙將醃料抹走才煎。
6️⃣落2湯匙油用中細火等油熱後放入豬頸肉蓋上鑊蓋煎焗2分鐘,反轉另一面再蓋上鑊蓋煎焗2分鐘,煎到兩邊金黃色及肉會收縮咗就煎好,放在碟上靜止2分鐘就可以切件上碟完成🌶️泰式香茅豬頸肉 🐷
💡大野🐰小貼士💡
✨豬頸肉最好醃起碼6小時才夠入味,因為醃料汁醬會沉底,所以醃到一半時間要將豬頸肉反轉才會醃得均勻。
✨將傍邊位置剪開煎的時候就不會卷起。
✨一定要將醃肉配料抹走才煎,如果唔係好容易煎燶。
✨用魚露醃會有泰國菜風味效果,亦可以用這個醃料做鷄扒,豬扒、鷄翼。
#泰式 #香茅 #豬頸肉 #簡單 #易做
#香茅豬頸肉 #泰國菜
#大野兔小煮意
Негізгі бет 大野🐰小煮意🌶️泰式香茅豬頸肉 🐷✨附食譜及做法✨
Пікірлер