Azərbaycan cəmiyyətində geniş rezonans doğuran, aylardan bəri müzakirə predmetinə çevrilən sensasion videolar müəllifi, Beynəlxalq universitetinin keçmiş rektoru Elşad Abdullayev ölkədə ilk olaraq OBYEKTİV TV-yə canlı bağlantı ilə müsahibə verib. Televiziyanın populyar "Çətin sual" verilişində aparıcı Tapdıq Fərhadoğlu ilə söhbətə Fransadan skaypla qoşulan Elşad Abdullayev təsis etdiyi universitetin bağlanması, qardaşı Mahir Abdullayevin itkin düşməsi ilə bağlı bir çox məqamlara aydınlıq gətirib. Qardaşının qaytarılması üçün kimlərə nə qədər pul ödədiyini açıqlayıb. Azərbaycanda insan oğurluğu ilə məşğul olan cinayətkar qrupların olduğunu, onların hakimiyyətin yüksək dairələrindən himayə edildiyini deyib. Bu işdə əli olanların adlarını çəkib. Ilk videolar yayımlanandan sonra ailəsinin üzləşdiyi təzyiqlərdən danışıb.
Elşad Abdullayev 2005-ci il Milli Məclisə deputat seçilmək üçün Prezident Administrasiyasının rəhbəri Ramiz Mehdiyevə çatdırmaqdan ötrü keçmiş deputat və keçmiş YAP üzvü Gülər Əhmədovaya pul verdiyini bir daha təsdiqləyib.
Sonda o üzləşdiyi haqsızlıqlara cavab olaraq, eyni zamanda ədalətin bərpası üçün əlində olan videoları hissə-hissə yayımlayacağını bildirib.
Негізгі бет ELŞAD ABDULLAYEV OBYEKTİV TV-YƏ MÜSAHİBƏ VERİB
Пікірлер: 15