Бұдан былай мопед жүргізушілеріне веложол, веложолақ, тротуар мен жол жиегімен жүруге тыйым салынуы мүмкін. Яғни, енді мопедшілер кәдімгі көлік құралдары секілді даңғыл, көшелермен қозғалуға міндетті. Қазір Ішкі істер министрлігі әзірлеген құжат қоғамдық талқылауға шығарылған. Ал жаңа өзгерістерге сәйкес, мопед, электросамокат және велосипед тізгіндеушілері транспортын кем дегенде бір қолымен ұстап жүргізуі тиіс. Сондай-ақ, оларға жолаушы және жүк тасымалымен айналысуға шектеу қойылып отыр.
Жол ережесіне енгізілген түзетілулерге сәйкес, мопедшілерге веложол, веложолақ, тротуар немесе жаяу жүргіншілер жолымен жүруге тыйым салынады. Әрі жол жиегімен қозғалуына да рұқсат жоқ. Яғни, мопед тізгіндеушілері де автомобиль жолымен жүруге міндеттелуі ықтимал. Ал бұл өзгерістерді мопедшілер қолдаймыз деп отыр.
Жоба аясында мопед, электросамокат және велосипед жүргізушілері үшін бірқатар талап қарастырылып отыр. Яғни, жүргізуші қозғалыс кезінде транспортты кем дегенде бір қолмен ұстауы қажет. Әрі арнайы құрылғысы жоқ мопедтермен жолаушы және жүк тасымалдауға болмайды. Мопед, электросамокат, велосипедтерді сүйреуге де тыйым салынғалы отыр. Сондай-ақ, көлігінен түспей жаяу жүргіншілер жолын кесіп өтуге рұқсат жоқ. Бастысы, жол бойында шлемсіз жүрмеуге тиіс. Ал қоғам белсенділері талаптың күшейтілгені жақсы-ақ, бірақ сол ереженің бұзылмауын қадағалау қиын деп отыр. Пікірлерінше, жүргізуші куәлігі жоқ, жол ережесін меңгермеген жастарды транспортқа жолатпау қа жет.
КҮЛШАР АЙДӘУЛЕТҚЫЗЫ, қоғам белсендісі:
- Жолмен, жолсызбен, тыңдамай, қармай, пробкадан қашып кәдімгі жаяу жүргіншіні де қағып кетіп жатыр. Иә, нәпақасын тауып жүр. Жұмыс істеп жүр. Мейлі істесін. Жүрсін. Бірақ олар заңға бағыну керек. Машина сияқты кәмдімгі олардың төлқұжаты болуы керек.
Ал самокат жүргізушілері веложол не веложолақпен жүруге міндеттелуі ықтимал. Егер мұндай мүмкіндік болмаса, жолдың оң жақ шетімен не қоғамдық көлікке арналған жолақпен қозғалады. Бірақ бұл құқық кез келген санаттағы жүргізуші куәлігі бар, сәйкесінше 18 жастан асқан азаматтарға ғана беріліп отыр.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Енді мопедшілер толыққанды көлік құралдары секілді даңғыл, көшелермен қозғалуға міндетті
Пікірлер: 37