#Ghazal #ZahidAzmi #Nishat-E-Gham
Urdu Ghazal...Kya Kam Tha Mere Dil Ko... By: Habeeb Ur Rahman Zahid Azmi Umri
غزل
از: مولانا حبیب الرحمن زاہد اعظمی عمری رحمہ اللہ
آواز: حافظ شیخ عبیداللہ، ورنگل
پیش کش: شیخ اسماعیل افضل، سید ظہیر دانش عمری
کیا کم تھا مرے دل کو خود آپ کا غم تنہا
اس پر مجھے سہنے تھے دنیا کے ستم تنہا
یاروں کی رفاقت بھی دیکھی ہے بہت ہم نے
رہنے دو ہمیں یارو! محرومِ کرم تنہا
ویرانۂ ہستی میں، ہنستے ہوے اے ہم دم!
چل کر تو کوئی دیکھے دو چار قدم تنہا
یہ سوچ کے میں غم کو سینے سے لگاتا ہوں
عشرت گہِ عالم میں، رہ جاے نہ غم تنہا
ہستی کے سفر میں اب اے غم تو ہی سب کچھ ہے
تو بھی نہ رہے گا تو رہ جائیں گے ہم تنہا
دنیا کی رفاقت کی پوچھے نہ کوئی ہم سے
چلنا ہی پڑا آخر اب سوے عدم تنہا
تم مرجعِ یک عالم، ہم اور ہزاروں غم
دنیا میں نہ تم تنہا، دنیا میں نہ ہم تنہا
تنہائی میں یاد ان کی آتی ہے مجھے اکثر
تنہائی میں بھی زاہدؔ!، رہتا ہوں میں کم تنہا
(نشاط غم : صفحہ نمبر:19) سن اشاعت: مئی 2018
ناشر: ادارۂ تحقیقات اسلامی جامعہ دارالسلام عمرآباد، تمل ناڈو ،
Негізгі бет GAZAL By: Zahid Azmi Oomeri ll Kya Kam Tha Mere Dil Ko......کیا کم تھا مرے دل کو خود آپ کا غم تنہا
No video
Пікірлер