#Woh_Hasee_Gayee_Woh_Khushi_Gayee #Zahid_Azmi_Umri #Oomeresaani #KakaMohammadOomerfarooq #Oomerabad #Nishat_E_Gham
#Ghazal
Mehoosat By: Habeer Ur Rahman Zahid Azmi Oomeri
Bar Wafat e Ka ka Mohammad Oomer Farooq Marhoom
(Oomer e saani) Sabiq Motamad Jamia Darussalam Oomerabad.TN
از: حبیب الرحمن زاہدؔ اعظمی عمری
(بروفات محترم کاکا محمد عمر فاروق مرحوم(عمر ثانیؒ)
وہ ہنسی گئی، وہ خوشی گئی، وہ حسین خواب بکھر گئے
جو کبھی نہ گزرے تھے حادثے، وہ ہمارے دل پہ گزر گئے
نہ وہ گل ہیں اب نہ وہ گل ستاں،نہ وہباغ ہے نہ وہ باغ باں
چلیں ایسی وقت کی آندھیاں کہ تمام تنکے بکھر گئے
نہ گلوں میں اب ہے وہ تازگی، نہ بہار میں ہے وہ دل کشی
کبھی مسکراتی تھی زندگی،وہ زمانے کب کے گزرگئے
تھی عجیب آتشِ شوق بھی، کوئی جل گیا،کوئی جی اٹھا
تھے کرشمے اس کے کے جدا جدا، میں بکھرگیا،وہ سنور گئے
تراذکر کرگیا نیم جاں، تری یاد بن گئی جاں ستاں
مرے دل کے داغ ابھر گئے،مرے زخم پھر سے نکھر گئے
ہمیں خوں روتی ہے وہ گھڑی، جسے بھول سکتے نہیں کبھی
ہمیں دے کے داغِ مفارقت، جو یہاں سے کاکاعمرؒ گئے
وہ جو زندگی میں تھے محترم، ملی ان کو خاکِ درِحرم
انھیں ارضِ پاک نے دی صدا،تو جہاں سے کوچ وہ کرگئے
جو کبھی تھا زاہدؔ گل فشاں، وہ ہے آج بزم میں نوحہ خواں
کہ کہاں گئے مرے ہم زباں، مرے مہربان کدھر گئے
بشکریہ ، شعری مجموعہ ۔۔۔۔۔نشاط غم۔۔۔ صفحہ :138۔۔۔ ناشر: ادارہ تحقیقات اسلامی جامعہ دارالسلام عمرآباد
سن اشاعت : مئی 2018
پیش کش: شیخ اسماعیل افضل ، سید ظہیر دانش عمری
آواز: عبد الرحیم عمری کیرلا
Негізгі бет Mehsoosat By Zahid Azmi Oomeri....Woh Hasee Gayee Woh Khushi Gayee
No video
Пікірлер: 19