هۆنراوه : حهمه ساڵح دیلان
مــــامه كـــــڕنوو ، ڕاكـــــشاوی گـــــــردهكهی سهیوانهكهم
سهر ڕهحهت ، دڵ بێ گرێ ، گوێ شل كه بۆ داستانهكهم
ســـــهیــــره ، بـهزمه ، هــــهڵپهڕینه ، پڕ له قاقا و خهندهیه
نهعـــرهتهی گــــوێ كهڕ ئهكا ، جۆش و كوڵی سهیرانهكهم
...
ئـــهرخـــهوان ســـووره ، بــــههاره ، گوڵشـــــهنه ، ڕازاوهیه
دهشت و كــۆ ڕهنگــــین و پڕ شـــــــۆیه وهنهوشهی یانهكهم
خهرمهمی لاله له كۆهساران و پێدهشت و نشێو
سوورتره لهو خوێنه باریوهی كوڵی گریانهكهم
دلبهران سرك و بهناز و ڕهوتی نهرم و ئیستهكهی
سهد توانج ئهگرێته ئاهووی دهشتهكهی شێروانهكهم
ههڵبڕه چاوی نمایش تێر سهرنجی ورد بده
وهك بهجێت هێشا وا نهماوه شارهكهی جارانهكهم
ئهو بههارهی تۆ بهجێت هێشت پڕ برینی تازه بوو
پڕ له ئافاتی له پڕ بوو بۆ گوڵی ئینجانهكهم
ئهو گوڵهی ئاواتی كورد بوو بێته پشكووتن دهمێ
ڕایوهشێنێ بای شهماڵی نهرمی كوردستانهكهم
ئهو كهسهی دهستی ئهنایه بین و قورگی ئهو گوڵه
چنگی خوێناوی ئهنایه ناو دڵه پڕ ژانهكهم
ئێمه ئارهق ڕشتن بازوو وهشاندن بێ خهوی
ئهو گڕ و پشكۆی ئهخسته ژێر بنی خهرمانهكهم
ئێستا وا خۆی دا ئهنێ بۆته فریشتهی ئاسمان
بۆته دكتۆر و برنپێچی برینی گیانهكهم
مامه كڕنوو چی بلێم زیاتر لهوهی (حهمدی) ئهڵێ :
فێست و ڕێوی و مێزهر و مهیموونه سهیری بانهكهم
وهك ووتم سهیره له بان وهكو نالی ئهڵێ :
زیندهگیم تاڵه كه زهلكاو بێ تیمارخانهكهم ...!
Негізгі бет Hama Salih Dilan - Mama Krnu مامه كڕنوو
Пікірлер: 5