.
Inna-as Ɛmer :
Ṛebbi as-beddun imaziɣen i ṛṛay
Afad ittnum amm uyadir wawal
Iɛawd-as g wis sin, inn'-as :
Ay uggugen ixatren adday tilim
I bu laṣel ad izel fad i lɣellat
Iwajeb-as Lbaz :
A tizizwa ɛayen tuga s teddid
Ur illi umeksa kwent-id-itraran
Iwajeb-as Ɛmer :
Nnuṛ a kwen-ittawin adday teddum
Ay asufeɣ ar aleǧǧig is t-ira
Iwajeb-as Lbaz :
A wa han ɣur-i ddehb a bu tḥanut
Ur idd amm kilu mek t-id-ilsa ka
Iwajeb-as Ɛmer :
Ssenn is ur yuwiḍ uwujil tirac
Allig ickeṛ s imendi bu wkwerfa
Iwajeb-as Lbaz :
A wa g-at ɣif-i wejd a bu uneṭṭaṛ
Nsul ad nsemgulley tizar ɣif-un
Iwajeb-as Ɛmer :
Iḍṛa-k iɣef ay aluqqid aɣen akal
Ur i-taɣ tasa a' k-id-ikk wafa
Ixṣeṛ uḥidus nnaɣ, iɛawed ibedd wayḍ
Inna-as Ɛmer :
Aman a ccjert a kwent-id-isxitir
Ur da ttaɣd a ddilit i bu yrifi
Iwajeb-as Lbaz :
Gwdeɣ-as a cjeṛt i ṛebbi ddaw wakal
Matta d' am-di-qqazɣ yad i yẓuran
Негізгі бет Izlan | Ccix Lbaz d Ccix Ɛmer | Ṛebbi as-beddun imaziɣen i ṛṛay | ait merghad
Пікірлер