بمناسبة زواج : عبدالله بن محمد ال مرعي البهيشي الاحمري
كلمات الشاعر : موفق العتيبي - عبدالله ال سليمان - عبدالعزيز بن زميم - ظافر الاحمري
اداء المنشد: جفران بن هضبان
تصميم : عبدالكريم العبيدي @abdulkarimal-obaidil3870
الكلمات:.
تحزمت وحزامك عتيبي مايبغى شور
يفاخر بطيبك والعزيمه يثمّنها
علي الطلاق انك مجمل طويل اشبور
ياراع الجمايل كل صعبه تهونها
لؤنك تبينا نجعل البحر سبع ابحور
قسمناه لعيونك والاخصام نحزنها
بموعد زواجك ولع الكون كله نور
وجوك الرجال اللي شريفه معادنها
على شان عبدالله ابو محمد المنعور
وعلى شان ربعه والمواقف نبرهنها
ابى اجيك لوني مكسر ثمان اكسور
وبى اغني بحفلك والابيات اللحانها
موفق العتيبي
رفيقي بدون مقدمة بيرقه منصور
ينص الهقاوي للثريا ويضمنها
يصير القصيد لغايته منهي ومامور
نمتع به صدور المطاليق وألسنها
بيوت عليها الوسم والوسم جاء له دور
لاقام يتياسر ذي وذيك يتيامنها
مادام الفعول مثبته والدمي تفور
مايشكي ظروف الوقت من لا درى عنها
عبد الله ملداح
يبن مرعي اسم ربوعك يبعّد من البور
يجمّل مقامك و القصايد يزيّنها
سلامي على الشبح العلا والنبا المأثور
سلامي على سبع العجايب وثامنها
عزاوي بني منهود ماهم بني منهور
رجال عزاويهم يفرّ الردا منها
يوم ان الليالي مثل حاجونة الباكور
هم اقوى صفوف العالم اللي نداحنها
وذليوم ربع وجندنا فأول الطابور
على أخصامنا وأخصامهم نأمر وننها
عبدالعزيز زميم
يوم ان الحرايب تصطلي والرصاص يثور
جماجم عدانا بالثميدي نليّنها
حن اللي لنا صوله وجوله وشور ودور
وحن اللي ليا صعبت الامور نتهاونها
وليا كبرت الدعوى وجاء فالامور امور
حن القمه اللي كل مرتاب يزبنها
وياعبدالله ابن محمد مجمّل ومشكور
مديحك يجيب اغلى الحكم من مخازنها
كتبنا بيوت من محبه وصدق شعور
ونقينا لك من اغلى الطواريق واحسنها
وابيك تعذرنا لو حصل في البيوت قصور
الابيات ثمّنها والاعذار سمّنها
ظافر الاحمري
Негізгі бет جفران بن هضبان 👏🔥 عزاوي بني منهود - اقوى صفوف العالم || عبدالله بن محمد ال مرعي 🔥👏 2024
No video
Пікірлер: 8