Талдықорғанда облыстық сот ғимаратын салып жатқан құрылысшылар екі айдан бері еңбекақыларын ала алмай жүр. Айтуларынша, қыстың қара суығында да құрылыс жүргізген оларға атқарған жұмыстарының ақысы төленбеген. Ал ақшаларын даулап құрылыс басына барса, күзетшілер тіпті маңына да жолатпайды екен.
Қоршауының айналасына «Базис контракшн» деген жазулар жағалай жазылған құрылыс басына жұмысшылар тіпті кіре алмай жүр. Себебі, күзетші жолатпайды. Күні кеше ғана осы құрылыс басында тер төгіп жұмыс істеп, бүгін маңына да жақындай алмай жүрген азаматтар еңбекақыларын беруді талап етеді. Сөздерінше, құрылыс компаниясы 80-ге жуық жұмысшыға қарыз.
БОЛАТ САПАРҒАЛИЕВ, жұмысшы:
- Каждый бригаданыкін есептегенде 5,3 миллионнан. Общий есептегенде 20-25 миллиондай. Бірнеше бригада 70-80 адам істеп жатыр.
ҚАНАТ ҚАЖЫҒАЛИЕВ, жұмысшы:
- Менде мысалы үш ай өтті, үш айда бір теңге алған жоқпын. Мен енді микрокредиттен микрокредитке кіріп кеттім. Жас семья болған соң қиын ғой. Кішкентай балаң бар. Мысалы менің мына жақтан алатын ақшам примерно 200 мың теңге, ал менің микрокредитім 400 мыңнан асып кеткен.
Ал бұл мекемені салу тапсырысын аты дардай «Базис контракшн» компаниясы алыпты. Құрылысты жүргізіп жатқан мердігер «Позитив Атырау» серіктестігі екен. Өзін осы құрылыс алаңының басшысымын деп таныстырған «Позитив Атырау» серіктестігінің өкілі екі ай бойы құрылыс басында болмағанын және жағдайды анықтайтынын айтты. Ал атқарылған жұмысқа қаражат төленеді деп сендірді.
МАРАТ КАКИМОВ, «Позитив Атырау» ЖШС өкілі:
- Құрылыс басында 2 ай болмадым. Атқарылған жұмыстарды анықтаймын. Егер жұмыс расымен істелген болса, міндетті түрде ақысы төленеді. Алдағы 10 күнде барлық жұмыстарды тексеріп, ақысын басшылыққа төлеткізетін боламын.
Ал далада қалған жұмысшылар егер мердігер компания өкілдері ақшамызды төлемесе, сотқа жүгінеміз дейді.
Самал Қабышева, Мерей Толқынов
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#жалақы #жұмысшылар_наразылығы #Талдықорған
Негізгі бет Қақаған аязда сот ғимаратын салып жатқан құрылысшылар жалақыларын ала алмай жүр
Пікірлер: 49