Ақтөбеде мемлекеттік бағдарламамен үй салып жатқан 160-қа жуық құрылысшы бүгін жұмыстарын тоқтатты. Олар ақпан айынан бері бір тиын да жалақы алмадық деп шағымданды. Айтуларынша, басшылық осы күнге дейін әрқайсысын құрғақ уәдемен алдап келген. Ал компанияның жұмысшыларға берешегі қазірдің өзінде 44 миллион теңгеге жетіпті.
Жұмыстарын тоқтатып, таң атпай наразылыққа шыққан мына құрылысшылар екі айдан бері қарызға белшеден батқандарын айтады. Мойындарында бала-шағаның ас-суы, киім-кешегі, одан қалса несиесі тағы бар. Қымбатшылық та қысып отыр дейді. Басшылықтың құрғақ уәдесін екі ай күтіп шаршаған азаматтар бүгін жұмысты тоқтатты. Жалақымызды толық алмайынша, жұмысқа шықпақ емес.
АДАЙ СӘРСЕНБАЕВ, жұмысшы:
- Жұмысты тоқтатамыз дедік. Енді айлық бермесе қашанғы жұмыс істейсің? Күте-күте уже шаршадық.
ЖАСҰЛАН ҚАЛЖАНОВ, жұмысшы:
- Екі ай бұрын да айтқанбыз. Шамалы шыдаңдар дейді. Шыдамның да шегі бар ғой қанша дегенмен. Бала бар, шаға бар. Әрқайсымыздың семьямыз бар. Сосын бүгін бәріміз жиналып, жұмысты тоқтатуға шештік.
Ал компания өкілдері жалақының кешіктірілуіне бюджеттен түсетін қаражаттың кешігуі себеп болды деп отыр. Сөздерінше, қазір құрылысы жүріп жатқан 5 үйдің барлығы да мемлекеттік бағдарлама аясында салынып жатыр. Сондықтан, құрылысқа қаражат республикалық қазынадан бөлінеді. Ал сол бөлінге ақшаны бекітуге міндетті мәслихат сессиясы да уақытынан кеш өтіпті.
АРНҰР АХМАДИҰЛЫ, "Ақтөбе Сәулет" ЖШС директорының міндетін атқарушы:
- Ол жыл басында болатын нәрселер, процедуралар. Биыл енді созылып кетті. Білесіздер ғой, қаңтар оқиғасына байланысты. Қаңтар айының жалақысын бердік. Енді ақпан мен наурыз айлары қалып тұр. Осы жетіде жабамыз.
Бір емес 160 адамға екі айдан бері жалақы төлей алмай отырған компанияның қазір жұмысшылар алдындағы қаразы 44 миллион теңгеге жеткен.
Жанар Қожанова, Жомарт Құдайбергенов
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Ақтөбе #еңбек_дауы #наразылық
Негізгі бет Тегін кім істейді? Мемлекеттік бағдарламамен үй салып жатқан құрылысшылардың айлық ала алмай жүр
Пікірлер: 19