Реклама сотрудничество +77072989335
Vk vk.com/programs2017
Бәріңізге Ассалаумағалейкум
Қазіргі кезде әлемде экономикасы әлсіз, әскери күші жоқ мемлекеттерді, алпауыт державалар кісендеп, жағдайын жасаймыз деп, көтере алмайтын несиелерге белшесінен батыратынын сіздер білесіздер ме?!
Бұнымен қоймай, өздерінің бұндай жиіркенішті істерін, керемет көмек деп көрсететіндері тағы да бар.
Арамызда, Батыс мемлекеттері демократия орталығы, әлемдегі жұмақ деп есептейтіндер де өте көп. Оларды да түсінуге болады, себебі, барлық бұқаралық ақпарат құралдарынан осы әуен сайрап тұр. Әрине әр мемлекет, өз халқынын жағдайын жасауы тиіс. Бірақ, қазіргі заманда басқа мемлекеттердің ісіне араласып, оларға цивилизация, гормония әкелеміз деген алпауыттар көбейді. Бірақ, сол алпауыт державалар шыныменде әлемде бейбітшілік орнатып, әлсіз мемлекеттерді байытқысы келе ме?!
Әлемді қазір құтқарып жатырмыз, бейбітшілік нұрын төгіп жатырмыз дегендер ақиқатында кімдер?!
Ал қазіргі кезде мұсылмандарды ғайбаттайтын, жалған жала жабатын, өздерін демократия, гуманизм орталығы деп атайтын еуропалықтардың отаршыл аталары,
1845-1849 жылдар аралығында өздеріне бауырлас Ирландияда қаншама адам аштықтан қырылғанда не істеді және оларға кім көмекке келді?!
Біз экономиканы жайдан-жай негізге алмадық... Сіздерге бір сауалымыз бар. Қазақ халқы экономикалық тәуелсіз болуы үшін не істеуі керек?! Не себепті банктер байып жатқанда, халық кедейленеді?! Осы сұраққа жауапты пікір алаңына қалдырыңыз. Ал біз экономикасы басқаға тәуелді мемлекеттің тағдыры қандай болмақ деген сұраққа жауап беріп көрейік. Мұны сізге білген дұрыс.
Алыстағы ағайыннан,
қасындағы көрші артық
деген халық аузынан қалған қазақта керемет сөз бар.
Қазақ халқы, өзінің адал көршісіне әрдайым қол үшін созған. Алысқа бармай, кеңестік депортациялау жылдарында біздің мейірімді бабаларымыз күшпен көшірілген бірнеше миллиондаған халықты құшақ жая қарсы алып, қырылудан аман сақтап қалған. Сол бір қиын кезеңде бабаларымыздың өздері де "қызыл террордың" қанауына қатты түскен. Дегенмен, қолдарындағы бір түйір нанымен, көшіп-келгендердің ұлтына, дініне қарамай, аямай бөліскен. Сол арқылы аталарымыз миллиондаған адамның құтқарушысы атанған. Қазақтарда жоқшылықтың тауқыметін көп тартты. Қылышынан қан тамған, қарғыс атқыр Сталин бастаған, большевиктердің қатығездігін, аштық жылдарында сезініп, 4 млн халқынан айырылған. Бұл отаршылдардың біздің еліміздегі, бейбіт халыққа соншама қайғы-қасірет әкелген ғана қылмысы. Ондай террор әрекеттері тарихта көп болды.
Бұндай сұмдық, XIX ғасырда Ирландия жерінде де болды. Британ империясының отаршыл саясатынан ирландықтар өзін асырай алмайтын дәрежеге жетті. Елдегі барлық басты экономикалық ошақтар ағылшындардың қолына түсіп, ирландықтар тек ауыл шаруашылығымен күн көрді. Олардың шұрайлы жерлеріне ағылшын дворяндары иелік етіп, жергілікті халық, туған жері үшін ақы төлеуге мәжбүр болды. Ирландықтар кішкене жерді жалға алып, картоп өсіріп, азға қанағат қылды.
Бірақ, олар осы қиыншылық арқылы картоп өсірудің тиімділігін байқай алды. Картоп аз жерде көп өнім берді және күтімі де уақытты көп қажет етпеді. Сол себепті, жаппай картоп өсіру қолға алынды. Бірақ, бұның кері жағы да бар еді. Енді ирландықтар бір ғана өнімге тәуелді болып қалды. Күнделікті рационның 3 тен 2 сін құрап,
азық қа да, тауар айырбастауға да картоп жүрді. Өз кезегінде картопқа фитофтириоз індеті тарағанда, өнім жеуге келмей, халықтың жағдайы күрт нашарлап отырды. Ал 1840 жылдары Британ империясы аумағында аграрлық төңкеріс жасалып, Ирландия жеріндегі ағылшын лордтары, шаруалардың көбін қуып шығып, олардың егістік жерлерін жайылым етті. Өнім алатын аз ғана жер, тағы да қысқарды. Осы жағдайлардың бәрі, 1845 жылы кезекті фитофториоз індеті картоптарға жаппай тараған кезде, аштыққа әкеп соқты. Жұт жеті ағайынды демекші, қыс та өте суық болып, халықты қатты әлсіретті. Аштық пен қара суық, ирландықтардың өмірін күніне мыңдап әкетіп жатты. Ағылшын отаршылдары бұнымен қоймай, жерді жалға алу ақысын көкке көтерді. Шаруалардың мықтысы күн көріс қамымен қалалар мен кен орындарына тентіреп кетті. Ол жақта да жағдайлары ауыр болып, көбісі ауылдарына оралмады. Халық Америкаға көшіп, аман қалғысы келді. Сол мақсатпен миллиондаған адам ескі
кемелерге мініп, Ирландиядан көшті. Жол бойы ауру мен аштықтан қырылған ирландықтар кемелері, Америкада "жүзетін табыттар" аталды. Британия патшайымы жағдайды біле тұра, көмек беруге асықпады. Азғантай жеңілдіктер жасап, кейін қайтарып аламын деп ойлады. Толығырақ Видеода....
Негізгі бет Ойындар Қазақ Құл Болды
Пікірлер: 1 М.