2 маусым Көктал ауылдық кітапханасы мен мәдениет үйінің қызметкерлері Қазақстан Республикасының Рәміздеріне 30 жыл толуына орай «Туым-намыс, ұраным-бірлік, рәміздерім мақтанышым» атты мерекелік шара ұйымдастырды. Шараға Көктал ауылдық әкім апараты, мектеп басшылары, ақсақалдар алқасы және ауыл тұрғындары қатысты. Кітапханашы А. Майлыбаева мен мәдениет үйінің әдіскері Т. Қожатаева мерекелік шараның ашылу салтанатын Ту көтеру рәсімімен бастады. ҚР Әнұраны орындалып, Көктал округінің әкімі Б.Б.Нұрелов салтанатты шараны ашты. Атаулы шара орталық саябақтағы Абай орта мектебінің 20 жылдық түлектері ҚР Рәміздерінің 30 жылдығына орай туған ауылына естелік ретінде орнатқан Ту тұғыры жанында өткізілді. Ауыл әкімі Ту орнату шарасына атсалысқан азаматтарға рахметін айтып, Алғыс хаттармен марапаттады. Шара концерттік бағдарламаға ұласты.
Мемлекет басшысы Қасым-Жомарт Тоқаев «Тәуелсіздік бәрінен қымбат» мақаласында атап өткендей, азаттықтың алғашқы онжылдығы жаңа Қазақстанның іргетасын қалау кезеңі болды. Сол кезеңде егемен ел екенімізді айшықтайтын нышандар қабылданды. 1992 жылдың 4 маусымында Жоғарғы Кеңес отырысында Мемлекеттік рәміздері бекітілді.
Бейбіт аспанның астында өмір сүріп жатқан әр-бір қазақ азаматы өзінің рәміздерімен елін-жерін байлығым деп білуі қажет. Рәміз ол мемлекеттің беделі және бет-бейнесі. Рәміздерімізді бағалап жоғары дәрежеде ұстайық халқым!
Қатысқан адам саны-50
Негізгі бет ҚР рәміздеріне 30жыл
Пікірлер