Қуаңшылықтың салдарынан жыл бойы малдарына азық таппай қиналған маңғыстаулық шаруаларды енді қымбатшылық қыспаққа алды. Олар үкімет пен әкімдік бюджетінен қыруар қаржы бөлініп жатса да «мал азығын алу үшін қарызға белшеден баттық» дейді. Мал баққан азаматтар енді облыс әкімі Нұрлан Ноғаевтан жем-шөпті арзандатуды талап етіп отыр. Ал әкімдіктегілер шаруалардың талабын орындауға асығар емес.
Қуаңшылықтан әбден қысылған маңғыстау шаруалары қарызға белшеден батқан. Жыл бойы мал азығын сатып алып, қалталары әбден жұқарған олар енді қаражатты қайдан алатындарын білмейді. Азықты үнемдеп бергеннің өзінде, бір бас ірі қара бір күнде мөлшермен жарты қап жемді тауысады. Қазір төрт түлікті бағу шаруа қожалықтарына күннен күнге қиынға соғып барады дейді шаруалар. Сондықтан облыс әкімі Нұрлан Ноғаевтан мал азығының бағасын 50 -60 пайызға арзандатуды талап етіп отыр.
ӘДІЛБЕК САҒЫНДЫҚ, шаруа:
- Ол талапта 1 келі отруб 50 теңгеден, 1 түк шөп 500 теңгеден, 1 бума шөп 8000 теңгеден сатылсын деген талап қойдық. Және бұл талапты 25 қаңтарға дейін орындап, осы талабымызды қанағаттандыруын сұрадық.
Министрдің қабылдауында да болған шаруалар жағдайдың күн санап күрделеніп бара жатқанын айтады. Олар өңірде нағыз аязды күндер ақпанда болады деп болжап отыр. Сондықтан, талабымыз тез арада орындалсын дейді. Дегенмен, шенеуніктер шаруалардың қалауын жасауға асығар емес.
ҚАЗБЕК ТӘШІМОВ, Маңғыстау облыстық ауыл шаруашылық басқармасының басшысы:
- Басқа өңірлердегі Маңғыстау облысындағы сияқты шаруа қожалықтары шөп орумен егістік шаруашылығымен айналысып, өз нәпақаларын көріп отыр.+ Қазіргі уақытта Солтүстік облыстарда қыс түсуіне байланысты бір орамаға 10 мың теңге көлемінде қалыптасып отыр. Оның үстіне жол шығындары бар. Дизель отынының бағасы бар, бәрі өзіндік құнына қосылады.
Басқарма басшысының айтуынша, «Каспий» әлеуметтік корпорациясы арқылы мал азығын тасымалдаушы операторларға 250 миллион теңге несие ретінде берілген. Ал шаруаларға мал азығын ең төмен бағада тасымалдап жүрген операторлардың бірі Ерлан Рысбай, қазір басқа өңірден жеткізілетін жем мен шөптің қымбаттағанын растап отыр.
ЕРЛАН РЫСБАЙ, мал азығын тасымалдаушы оператор:
- Қыс айы басталғаннан кейін 4000-5000-ның рулондары екі есе өсті. Өз құны мұнда келгендегі 12 500-13 000 теңге болып келеді. Халықтың сұрап жатқан 500 теңге түк шөп, 8000 теңге орама дегені өте орынды. 50 пайызы егер де қысқартылса онда халыққа 8000 теңгеден сатып алуға мүмкіндік бар.
Әкімдіктің мәліметінше өңірдегі мұнай компаниялары қаржылай қолдау білдіріп, мал азығынарзандатуға көмек беріп жатыр. Соның арқасында шаруалардың бірдейлендіру базасына тіркелген мал басына бір келі жем 75 теңгеден сатылып жатыр екен.
Махаббат Нұржанқызы, Фархад Шадкам
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#қуаңшылық #Маңғыстау #жем_шөп #баға
Негізгі бет Қымбатшылық қысты! Маңғыстаулық шаруалар облыс әкімінен жем-шөпті арзандатуды талап етуде
Пікірлер: 17