Ugadeɣ ay ul 💔
Yebda la ikeffu lǧehd-iw
Deg yifadden-iw ara ttḥawaceɣ
Γer tilas yewweḍ ṣṣber-iw
Acḥal aya ttuεelqeɣ
Dayen la ittecceg ufus-iw
Deg ussirem-nni ideg ṭṭfeɣ
Tikkelt-a ad teddem leεmer-iw
Ẓriɣ a medden ad iyi-tneɣ
Ur wwiḍeɣ, ur d-uɣaleɣ
Teǧǧiḍ-iyi di ttnaṣfa
Ur ddireɣ, ur mmuteɣ
Imi d tudert n tmara
Ur ḥzineɣ, ur friḥeɣ
Iεreq-iyi yimeṭṭi ttaḍsaɣ
Ay ul asmi akken k-ḥesseɣ
I ẓriɣ ad iyi-txedmeḍ akka !
Yebda la ikeffu lǧehd-iw !...
Lemmer kan tzedɣeḍ allen
Ha-t-an ishel ccɣel-im
Ad d-tedduḍ deg yimeṭṭawen
Γef ccfeṛ ad yirid lateṛ-im
Ur sεawazeɣ yiwen
Din din iɣab lexyal-im
Ur tgezzreḍ ulawen
Ad gemgen medden axxam-im
Yebda la ikeffu lǧehd-iw !...
Ḥasan AḤRES
Негізгі бет Kader HADJI " Ugadeɣ ay ul 💔"
Пікірлер