ကောင်းကင်ဘုံနှင့်ချိတ်ဆက်ခြင်း(သို.)
နတ်ကောင်းနတ်မြတ်များနှင့်ချိတ်ခြင်း
(မည်သည့်ဘာသာဝင်မဆို ကိုယ့်ရဲ့ကိုးကွယ်ရာဘုရားရှင်ဆီမှာ သီလယူ၊ဆုတောင်းခြင်းကို ပြုကြရပါမယ်)
ရေ+အလင်းတိုင်+နံ့သာတိုင် (၃ မျိုးအား ဘုရားရှင်အားလှူဒါန်းပါ)
ဘုရားရှိခိုးပြီး သီလယူပါ။
နတ်ပင့်ပါနော်။
“လောကစောင့်ကြပ်နတ်များအပေါင်းတို့နှင့် တပည့်တော်၏ ကိုယ်စောင့်နတ် ၁၂ ပါး၊ အိမ်စောင့်နတ်၊လမ်းစောင့်နတ်၊ရပ်ကွက်စောင့်နတ်၊မြို့စောင့်နတ်၊တောစောင့်နတ်၊တောင်စောင့်နတ်၊ဘုမ္ဓစိုး၊ရုက္ခနတ်၊သာသနာတော်စောင့်နတ်၊သမုဒ္ဒရာစောင့်နတ်၊ဝဋ္ဌာဟနတ်၊ပဇ္ဇုန်နတ်၊စတုလောကပါလနတ်၊သိကြားမင်း၊ဗြဟ္ဓာမင်း၊ အသုရာ၊ယမာအစရှိနေသော နတ်ဗြဟ္ဓာအပေါင်းတို့သည်လည်းကောင်း၊ နဂါး၊ဂဠုန်၊ကုမ္ဘန်၊ယက္ခိုတ် အစရှိသော ဥပသကာအပေါင်းတို့သည်လည်းကောင်း၊ ဝိဇ္ဇာ၊ ဇော်ဂျီ၊ တပသီ အစရှိသော သူတော်ကောင်းအပေါင်းတို့သည်လည်းကောင်း၊ဆွေတော်မျိုးတော်၊သိုက်ဆက်၊ပဋ္ဌာန်းဆက်အပေါင်းတို့အားပင့်ဖိတ်ပါသည်။ ကြွရောက်ကြပါကုန်။
နတ်ချစ်ဂါထာ ရွတ်ရန်✔️✔️✔️”သတသဟဿရဟ အဖိုးတန်နတ်ချစ်ဂါထာ”
ပြီးလျှင် မေတ္တာသုတ်ကို ၁ ခေါက်ရွတ်ဖတ်ပူဇော်ပေးပါ။
ပြီးလျှင် ဂုဏ်တော်ကိုးပါးကို ၉ ခေါက်ပူဇော်ပါ။အမျှဝေပါ။
ဗုဒ္ဓဘာသာတွေအနေနဲ့ ဤသို့ ဆုတောင်းခြင်းကိုအဓိဋ္ဌာန်ပြုခြင်းနဲ့တွဲပြီးလုပ်ဆောင်ပါမယ်နော်။
ဘုရားတပည့်တော်၊ မသည် မြတ်စွာဘုရားရှင်နှင့်ရတနာသုံးပါးအား အမှူးထား၍ လှူဒါန်းပါသည်။ ထို့အပြင် ဘုရားတပည့်တော်မ၏ အသက်နှင့် ခန္ဓာတို့ကိုလည်း ရတနာသုံးပါအမှူးထား၍ လှူဒါန်းပါသည်။ ထို့ပြင် နှုတ်ဝစီမှထွက်သော အသံတို့ကိုလည်း ရတနာသုံးပါ အမှူးထား၍ လှူဒါန်းပါသည် ဆိုပြီး လှူဒါန်းပါ။
ပြီးလျှင်
”တပည့်တော်တို့ပြုလုပ်သော ဒါနကုသိုလ်၊သီလကုသိုလ်၊ဘာဝနာကုသိုလ်တို့ဖြင့် တိုင်တည်လျက် တတိယမျက်လုံးစွမ်းအင်ရရှိရေးအတွက် နေ့စဉ်ဆုတောင်းလျက် ရက်ပေါင်း ၃၀ ရက်တိုင်တိုင်အဓိဋ္ဌာန်ပြုလေ့ကျင့်ပါမည်။ ယနေ့မှ စ၍ စတင်လေ့ကျင့်တော့မည် ဖြစ်ပါသောကြောင့် လေ့ကျင့်နေစဉ်ကာလများတွင် နတ်ကောင်းနတ်မြတ်များ၊အစောင့်အရှောက်ပုဂ္ဂိုလ်များအား မေတ္တာပို့လျက်ရှိပါသည် အောင်မြင်စေရန်စောင့်ရှောက်ပေးတော်မူပါ။ ၃၀ ရက်တိုင်အောင် လေ့ကျင့်သောကာလပြီးမြောက်သောအခါတွင်လည်း ထိုပညာာရပ်ဖြင်ပ သတ္တဝါအပေါင်းအားကူညီစောင့်ရှောက်ခွင့်ပေးတော်မူပါ”
(၃ကြိမ်ဆုတောင်းပါမယ်နော်)
နေ့စဉ်လုပ်ဆောင်ခြင်းအားဖြင့် Crown Chakra ရက်ပိုင်းအတွင်းပွင့်ပါလိမ့်မယ်။
မေတ္တာဖြင့်
Негізгі бет ကောင်းကင်ဘုံနှင့်ချိတ်ဆက်ခြင်း(သို)နတ်ကောင်းနတ်မြတ်များနှင့်ချိတ်ခြင်း
No video
Пікірлер: 54