مشروع تربية النعام
موضوع مهم جدا وخطير جدا نكلمكم فيه النهاردة بشكل علمي دقيق وهو الاجهاد الحراري للنعام
موضوع يشغل بال كتير من مربين النعام في فصل الصيف وخصوصا في الموجات شديدة الحرارة اللي بنمر بيها دلوقتي - الموجات المفاجئة با جماعة مش الارتفاع التدريجي - النعام بيتاقلم على درجات الحرارة لكن بياخد 5 ايام للتاقلم - لما نكون في درجة حرارة عالية جدا مع درجات رطوبة عالية جدا فجأة لازم ناخد بالنا.
طيب من حيث المبدأ لازم نفرق بين حاجتين
الاجهاد الحراري هو تعرض الطائر لحرارة عالية لمدة طويلة دي الموجات شديدة الحرارة اللي بنمر بيها ممكن تسببه - ولان الطيور ما عندهاش غدد عرق يعني مش بتعرق وبالتالي مش بتعرف تبرد نفسها بيكون الضرر متفاوت - يعني اللي عامل ملعب صغير النعام مش عارف يجري فيه ويهوي على نفسه غير الملعب اللي النعامة بتعرف تتحرك فيه والنعام المتقدم في السن غير الشباب - احنا هنا مش ادام مشكلة نفوق فقط لا - احنا قدام مشكلة في البيض كمان بالنسبة للنعام المنتج البيض يتاثر تاثرا شديد جدا في كفاءته وعدده كمان - وبيكون التاثير اكبر بكتير في الملاعب الصغيرة جداً
طيب ايه اللي بيحصل او اعرف منين ان النعام عنده اجهاد حراري اقول لحضراتكم:
بيرتفع معدل التنفس ناتج عن الاضظرابات الحمضية عند الطائر وتلاقيه بينهج - ده بنسميه الفقد الحراري عن طريق التنفس او التبخر - ودي طريقة بيخفض بيها من حرارته ولكنها بتشكل عبئ على جهازه التنفسي. النعامه في اليوم العادي بتتنفس 3 متر مكعب من الهواء ولكن في موجات الحرارة العالية بتتنفس 7 م مكعب - اثناء اللهاث او النهجان الشديد ده بيضطرانه يمنع نفسه عن الاكل تماما لحد ما يفقد حرارته --- بيزيد عنده التبول وبيستهلك مايه كتير - بياكل قليل - وبالتالي بيفقد وزنه
تكرار موجات الاجهاد الحراري لو ما سببتش لا قدر الله نفوق هي ممكن تسبب حاجات تاني كتير احنا في غنا عنها نمو متاخر - مشاكل في تكوين البيضة نفسها - وربما ضعف في الارجل او ضعف عام - ده غير احتقان العضلات وتمدد الاوعية الدموية للمخ - جفاف القصبة الهوائية تلاقي واحد بيشتكي بعدها بيقول عندي نعامة بتعمل صوت حشرجة وبتخرج افرازات وما الي ذلك --- غالبا بتكون دي اعراض جفاف القصبة الهوائية الناتج عن الاجهاد الحراري.
تنعامل ازاي و نعمل ايه : اي شي تعرف تعمله ان يخفض درجة حرارة المكان اعمله - رش مايه في الملعب - رش على الحطان - رش السلك - اعمل رزاز مياه خفيف في الهواء - اما ماية الشرب بردها ارمي فيها قالب تلج - بالنسبة للعلف لو حضرتك اللي بتعمل العلف خليك عامل شوية علف منخفض البروتين لمواجهة الايام دي - وبصفة عامة نحط الاكل بعيدا عن ساعات زروة الحرارة على اد ما نقدر
فيتامين سي بيزيد بشكل عام من مقاومة النعام للاجهاد الحراري و بيساعد على حماية المخ من الحرارة وبيقلل نسبة النفوق وبيحسن خصائص البيض عند النعامة المنتجة. بيتوفر بانتاج محلي مصري الصنع وبيتوفر مستورد - بسمع اراء كتير بتقول هات المستورد انا مش معترض اللي عاوز يجيب المستورد يجيبه هو بس سعره مبالغ فيه شويه وتركيزه عالي طبعا بتكون نسبته للماء اقل من نسبة المنتج المصري. انا عن نفسي وبصفة خاصة جربت المنتج المصري الكيس بعشرة جنيه وكان ممتاز وفعال جداً. اتمنى لحضراتكم ما يحصلش حاجة وحشة ابدا وايام الحر تعدي على خير - اراكم في حلقات قادمة - دمتم سالمين
Негізгі бет الاجهاد الحراري في النعام
Пікірлер: 22