إسمعوا القصة الحقيقية دي.
أحد الموظفين المسؤولين عن استقبال مكالمات شرطة النجدة في ولاية "اوهايو" الامريكية، استقبل مكالمة من واحدة ست بتنهج وشكلها مرعوبة.
بس الغريب انه لقاها بتقوله: لو سمحت ممكن اطلب بيتزا مارجريتا؟!
قالها: نعم؟
قالتله: وعاوزه جبنة كتير مشروم قليل!
قالها انتي بتكلمي شرطة النجدة .... انتي فاهمة انتي بتقولي ايه؟
قالتله انا فاهمة كويس أوي... المهم ان انت اللي تفهمني... هاه... تحب تاخد العنوان اللي هتوصل عليه البيتزا؟
ولأنه راجل ذكي، فهم فورًا إن أكيد الست دي فيه موقف خطر وجنبها حد مش عاوزاه يسمعها بتطلب البوليس... وماعندهاش أي وسيلة للاستغاثة غير انها تعمل التمثيلية دي.
وفعلاً شرطة النجدة وصلت لبيتها... عشان تلاقي انها هي وأمها كان بيتم الاعتداء عليهم من أحد أصدقاء الأم.
المكالمة بعد كده وصلت للإعلام واحتفلو بالموظف ده لأن الموقف كان صعب... لكن صاحبنا كان سريع البديهة فعلاً... وحتي لما كلم دورية الشرطة قالهم يوقفو صوت سارينة العربية عشان المجرم اللي في المكان ميلحقش يهرب لما يسمعهم جايين.
قصتنا النهاردة بتبتدي بمشهد شبه ده... مكالمة استنجاد من ست مخطوفة بتمثل انها بتكلم بنتها الصغيرة في التليفون.. بس للأسف... هي مش موجودة في بيتها بالتالي تحديد مكانها مش هيبقي سهل... دي مخطوفة في عربية ميكروباص بتتحرك على طريق سريع!
هتقولي يعني الفيلم كله مطاردات واكشن وكده؟
هقولك بالعكس... الفيلم كله بنشوفه من وجهة نظر ضابط الشرطة اللي بيرد عالتليفونات.. ايوه... الفيلم كله مابنخرجش من مكتب الضابط.
فيلم النهاردة هو The Guilty أو المذنب..
اللي صدر على نتفليكس آخر سبتمبر وبأه رقم واحد من حيث عدد المشاهدات في أمريكا في الشهر اللي صدر فيه ... رغم انه بيتنافس مع أفلام مصروف عليها ملايين!
لما تلاقي فيلم مش متكلف و مكسر الدنيا.. إعرف ان الاعتماد كله عالقصة!
القصة ممكن تتحكي بكذا طريقة... وفي حالتنا دي محكية من خلال مكالمات التليفون وبس.
خلينا نستقبل أول اتصال... ونقول آلو!
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الحراق}(110) المذنب.. The Guilty
Пікірлер: 192