السيسي الاسبوع ده أصدر قرار باعتبار دار الإفتاء المصرية من الجهات ذات الطبيعة الخاصة..اللي هو قرار تعيين المفتي هيبقى من رئيس الجمهورية على طول ..من غير ترشيح مثلا من هيئة كبار العلماء..واللي هو الحقيقة انا مش عارف ايه الفرق اصلا ..هو مفتي الديار البلحية هييجي غصب عن السيسي؟.. هاييجي فجأة واحد كان مرشد سابق للإخوان يعني ..ما كله برضاه ورضى الجيش عادي..بس بالشكل ده الموضوع هايبقى فيه ساسبينس اكتر بقى ..يعني ممكن نلاقي منافسة شرسة على منصب المفتي بين فريدة الشوباشي وخالد منتصر مثلا ..أو صراع وجودي بين خالد الجندي وسعد الهلالي.. وان كنت اظن ان الشعب خلاص بعد كل الانجازات دي مبقاش يثق غير في مفتي من خير اجناد الأرض..من انتاج دار الهيئة الهندسية للفتاوي الوطنية..انا بس اللي مجنني يا جدعان هو ماله المفتي الحالي أو دار الإفتاء كلها .. قصروا معاك في ايه يا ولداه بس..ده كان ناقص لهم اسبوع ويفتوا في صلاة السيسي كام ركعة... وعلى صعيد آخر..النهاردة و كعادتنا اللي بعون الله طول ما فينا نفس وعلى وش الدنيا ..هنفكر كل ظالم وقاتل وكل مؤيد لكل ظالم وقاتل ..ان زي النهاردة حصلت اكبر مذبحة في العصر الحديث لمدنيين عزل.. النهاردة ذكرى فض اعتصام رابعة..اللي جريمته في حق الأبرياء عمرها ما هتسقط بالتقادم ..ولا بالخداع والاستلواح وتلبيس الحق بالباطل..هنفضل نحيي ذكرى شهداءها ونترحم عليهم ..وهنفضل شهود على جريمة وحدث ..التعامل معاه هو معيار تصنيفك بين كونك انسان ..أو اي حاجة تانية ملهاش علاقة بالإنسانية والدين..رحم الله شهداء رابعة ..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
Негізгі бет {الأسبوع ف كيس}(278) بل لحوم العلماء سمبوسة!
Пікірлер: 425