✅ Vətən müharibəsi şəhidlərinin əziz xatirəsinə həsr etdiyimiz digər videolardan xəbərdar olmaq üçün kanalımıza abunə olmağınızı tövsiyə edirik.
✅ Rəsmi facebook səhifəmiz: / bel%c9%99-bir-hadis%c9...
Salam mənim doğmalarım. Mehriban olun hər zaman, gülün. Mənə görə heç vaxt ağlamayın, heç vaxt. Mən sizin yanınızda olacağam hər zaman.
Əgər mənim rahat yatmağımı istəyirsinizsə mənə görə ağlamayın. Mən istədiyim zirvədəyəm.
İstədiyi ən yüksək zirvə Şəhidlik idi onun üçün. Amma hər şeydən öncə bir arzusu vardı. Görmədiyi vətəninə, ana torpağına - Laçına üç rəngli şanlı bayrağı sancmaq...
Ceyhun Rzayev 1994-cü il sentyabrın 16-da Bərdə şəhərində anadan olub. Əslən Laçın rayonundan olan Ceyhun 2000-ci ildə Fəxrəddin Muradov adına 7 saylı tam orta məktəbin 1-ci sinfinə qədəm qoyur.
2011-ci ildə həmin məktəbin 11-ci sinfini müvəffəqiyyətlə başa vuran Ceyhun 2012-ci ildə Hərbi xidmətə yola düşür və 2014-cü ildə Vətənə borcunu ödəyərək geri dönür.
Hələ uşaq yaşlarından vətənə məhəbbət bəsləyən Ceyhun məktəbi bitirəndən sonra hərbçi olmaq qərarına gəlir. Həkim olan anasının onu da həkim görmək istəməsi onu vətən sevgisindən döndərə bilmir. Anasına “mən hərbçi olacam” deyir.
Sözündə də durur. 2014-cü ildə hərbi xidmətdən qayıdandan sonra Daxili Qoşunların Xüsusi Təyinatlı Qüvvələrində Müddətdən Artıq Hərbi Xidmət qulluqçusu kimi xidmətə başlayır.
Çox ağır sınaqlar, məşqlər, təlimlər görür. Amma bütün bu çətinliklər onu daha da möhkəmləndirir, Vətənin mərd oğluna çevirir.
Şərəfli xidməti dövründə özünə dayaq biləcəyi dost da tapır. Elvin Məmmədov. Birlikdə xidmət edən dostlar həyatda da bir-birindən ayrılmırlar. Ceyhuna hətta Elvinin toyunda iştirak etmək, bir dost kimi ona xeyir-dua vermək də qismət olmuşdu.
Ötən ilin sentyabrın 27-də başlayan Vətən Müharibəsinə də dostlar bir yerdə qatılır.
Füzuli, Cəbrayıl, Hadrut, Horadiz, Zəngilan, Qubadlı, Murovdağ, Şuşada gedən döyüşlərdə böyük şücaət göstərir. Dəqiq atəşi ilə düşmənə ağır zərbələr endirir Ceyhun Rzayev.
Ona müharibə dövründə ən şərəfli tapşırıq verilir. Xüsusi Təyinatlı Qüvvələrin leytenantı, şəhid Musa Əsgərovun snayperi ona təhkim edilir. Qürurla gəzdirir şəhidin silahını. Düşmənə aman vermir döyüş yoldaşından qalan snayperlə.
Dostu Elvinlə çiyin-çiyinə döyüşlərə qatılır. Hər çətinliyə birgə sinə gərirlər. O, qanlı-qadalı döyüşlərdə zarafat etməyi belə unutmurlar.
Davam edən dostluq təəssüf ki, ömürlük olmur. Can dostu Elvin Məmmədov Vətən Müharibəsinin 7-ci günü, yəni oktyabrın 3-də Cəbrayıl uğrunda gedən döyüşlərdə şəhid olur.
Düz 34 gün can dostunun qisasını alır. 34 gün sonra, yəni noyabrın 7-də isə qəhrəmancasına döyüşərək özü də şəhidlik zirvəsinə ucalır.
O, böyük izdiham və qürurla Bərdə şəhər şəhidlər xiyabanında dəfn olunur.
Bacısı Leyla Rzayeva deyir ki, Ceyhunla sonuncu dəfə sentyabrın 19-da görüşüb. Deyir sonuncu görüşümüz olduğunu bilməzdim. “Mənim 20 yaşım var, indiyə kimi bir dəfə də olsun qardaşımı qucaqlamamışam. Çox zəhmli və sərt idi. Çəkinirdim onu qucaqlamaqdan. Amma söz vermişdim ki, sağ-salamat qayıdan gün diz çöküb onun ayaqlarını qucaqlayacam. Amma mənə qardaşımın tabutunu qucaqlamaq qismət oldu” - deyir bacısı.
Qəhrəmanımız hətta döyüş vaxtı düşmənə əsir düşməmək üçün hər güllədən bir ədəd üzərində gəzdirirmiş. Əsir düşsəm istənilən silahla özümü öldürə bilim deyə.
Ailəsinə sonuncu zəngi isə oktyabrın 31-də olur. Ailəsinə onsuzluğa öyrəşməyi deyən Ceyhun ata-anasını bacısına tapşırır. Xüsusən də atasına yaxşı baxmalarını xahiş edir.
Çavuş Rzayev Ceyhun İsmayıl oğlu göstərdiyi şücaətlərə görə, “Vətən uğrunda”, “Şuşanın azad olunmasına”, “Cəbrayılın azad olunmasına” görə medalları ilə təltif edilib.
Негізгі бет Laçın sevgisi ilə yaşayan və döyüşən - CEYHUN RZAYEV
Пікірлер: 40