الشعر تال الوقت جته انتكاسه
سبة غشيمً لاكتب حاس به حوس
اليا قصد ماحدً يلامس احساسه
لولا المجامل دب ب ابياته السوس
واليا نشد عن مطلعه وين راسه
ماباقي الا يطلب بشعره فلوس
يعد نفسه عارفً للسياسة
ولايفرق بين الاوكران والروس
هو يحسب ان الشعر سبحه وكاسه
مايدري ان الشعر تصوير ودروس
شي نعده للطرب والوناسه
وشيً نواجه به ليا دق ناقوس
يطرب عليه اللي براسه فراسه
ويشفي غليل اللي من الهم متروس
وشلون لاجا ب ابلج طاب ساسه
يبي يصير لكاتب المدح قاموس
سيلك يابو بندر مايبغى عساسه
وقعه يخلي قاسي الارض مهروس
يفداك من قصّر خطاه احتراسه
جالس ويشكي له على عالم جلوس
متطويً جفنه يجاوب نعاسه
وان لامه احدً قال انا شخص منفوس
فيك استوت يارافعً روس ناسه
المجلس اللي فاتح سنين ناموس
ولاهو غريب المدح تزهي لباسه
لانك حفيد اللي لهم مجد محروس
اخوان شرّه ماخذوها بلاسه
يشهد لهم يوم الوغا ضرب دبوس
يوم العرب كلً بسفيه وطاسه
دخيلهم تبذل له اموال ونفوس
وطيبً لجا المعموس طيّر عماسه
حلابة الناقة مهودين بالروس
تمت بحمد الله بحبك وسلاسه
من شاعرً في مدح الاجواد مهووس
#فارس_بن_سلطان
#اكسبو_السعودية2030 #المملكة_العربية_السعودية #تحدي #شاهد #شيلات #شعر #طريف #الرياض #الشرارت #الشراري #طبرجل #الشعب_الصيني_ماله_حل
Негізгі бет الشعر تال الوقت جته انتكاسه
Пікірлер: 1