Бұған дейін мүгедектік жәрдемақысын алып келген Алматы облысы Талғар ауданының тұрғындары бір жылдан бері өздерінің еңбекке жарамсыз екендіктерін дәлелдей алмай келеді. Ата-аналар 400-ге жуық мүмкіндігі шектеулі баланы да комиссия әлеуметтік төлемнен әдейі қағып отыр дейді. Ал сараптама бөлімінің басшысы еш жерде қателік кеткен жоқ дегенді алға тартты.
"Төсек тартып жатып қалмасақ, бізді мүгедектікке шығармайды" деп шу көтерген тұрғындар, ауруымыздың асқынып бара жатқанын комиссия мүшелері көргісі келмейді дейді. "Онсыз да сырқатымыздан құлан таза айыға алмай жүргенде, сараптама бөлімін басқаруға келген жаңа басшылық әбден жүйкемізді жұқартып бітті", - дейді олар.
Былтыр ғана мүгедектік жәрдемақысын алып келген жұрттың биыл неліктен қағылып қалғанын сараптама басшысы түсіндіріп беруге тырысты. Айтуынша, комиссия тарапынан ешқандай қателік кетпеген.
ЗӘУРЕШ ИМАНЖҮСІПОВА, №4 әлеуметтік-медициналық сараптама бөлімі басшысының міндетін атқарушы:
- Мүгедектік белгісі ауру түріне емес, өмір сүру шектеуіне қатысты қойылады. Яғни, өз-өзіне қызмет көрсете алу, өздігімен қимылдай алу, өзгелермен қарым-қатынас орната алу сынды өмір сүруге қатысты 7 катергория басты назарға алынады.
"Балдаққа сүйенген ешкімді көрген жоқпыз", - деп айтып қалған облыстық департамент өкілдері енді қайта комиссия құрылып, әрбір адамның өтініші жеке қаралады деді.
МАДИНА ТӘҢІРБЕРГЕНОВА, Алматы облысы бойынша Еңбек, әлеуметтік қорғау және көші-қон департаменті басшысының орынбасары:
- Сол емделу уақытына мүгедектік белгіленді. Ауруымен келді де, дереу алып тастаған жоқ қой. Конечно, тексереміз. Келіспейтін жағдайда, әдіснама және бақылау бөлімінде алқалы түрде қаралады.
Жыл басынан бері комиссиямен келіспей, өзінің мүгедек екенін дәлелдеу үшін жиырмаға жуық азамат департаментке жазбаша түрде өтініш те қалдырыпты. Оның біреуіне ғана тиісті жәредемақы тағайындалған екен. Ал былтыр "мүмкіндігім шектеулі" деп комиссияға құжат тапсырған талғарлық 2 мың 600-ден астам науқастың 400-і мүгедектік жәрдемақысынан қағылыпты.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
Негізгі бет Мүгедектікті рәсімдеу - шынымен халыққа қиынға соғып тұрғандай
Пікірлер: 14