திருவருட்பிரகாச வள்ளலார் அருளிய
திருவருட்பா
முதல் திருமுறை
நெஞ்சறிவுறுத்தல்
சீர்சான்ற முக்கட் சிவகளிற்றைச் சேர்ந்திடிலாம்
பேர்சான்ற இன்பம் பெரிது 1
ஆறு முகத்தான் அருளடையின் ஆம்எல்லாப்
பேறு மிகத்தான் பெரிது. 2
கலிவெண்பா
பொன்னார் மலைபோல் பொலிவுற்று அசையாமல்
எந்நாளும் வாழியநீ என்னெஞ்சே - பின்னான 1
இப்பிறப்பினோடு இங்கு எழுபிறப்பும் அன்றியெனை
எப்பிறப்பும் விட்டுஅகலா என்னெஞ்சே - செப்பமுடன் 2
செவ்வொருசார் நின்று சிறியேன் கிளக்கின்ற
இவ்வொருசொல் கேட்டிடுக என்னெஞ்சே - எவ்வெவ் 3
உலகும் பரவும் ஒருமுதலாய் எங்கும்
இலகும் சிவமாய் இறையாய் - விலகும் 4
உருவாய் உருவில் உருவாய் உருவுள்
அருவாய் அருவில் அருவாய் - உருஅருவாய் 5
நித்தியமாய் நிர்க்குணமாய் நிற்சலமாய் நின்மலமாய்ச்
சத்தியமாய்ச் சத்துவமாய்த் தத்துவமாய் - முத்தியருள் 6
ஒன்றாய்ப் பலவாய் உயிராய் உயிர்க்குயிராய்
நன்றாய் நவமாய் நடுநிலையாய் - நின்றோங்கும் 7
வேதமாய் வேதாந்த வித்தாய் விளங்குபர
நாதமாய் நாதாந்த நாயகமாய் - ஓதும் 8
செறிவாய்த் திரமாய்ச் சிதாகாசமாய்ச் சொல்
அறிவாய் அறிவுள் அறிவாய் - நெறிமேவு 9
காலமாய்க் காலம் கடந்த கருத்தாய் நற்
சீலமாய்ச் சிற்பரமாய்ச் சின்மயமாய் - ஞாலம் 10
பொருந்தாப் பொருளாய்ப் பொருந்தும் பொருளாய்ப்
பெருந்தாரகம் சூழ்ந்த பேறாய்த் - திருந்தாத 11
போக்கும் வரத்துமிலாப் பூரணமாய்ப் புண்ணியர்கள்
நோக்கும் திறத்தெழுந்த நுண்ணுணர்வாய் - நீக்கமிலா 12
ஆதியாய் ஆதிநடு அந்தமாய் ஆங்குஅகன்ற
சோதியாய்ச் சோதியாச் சொற்பயனாய் - நீதியாய் 13
ஆங்கார நீக்கும் அகார உகாரமதாய்
ஓங்காரமாய் அவற்றின் உட்பொருளாய்ப் - பாங்கான 14
சித்தமாய்ச் சித்தாந்த தேசாய்த் திகம்பரமாய்ச்
சத்தமாய்ச் சுத்த சதாநிலையாய் - வித்தமாய் 15
அண்டமாய் அண்டத்து அணுவாய் அருளகண்டா கண்டமாய் ஆனந்தா காரமதாய் - அண்டத்தின் 16
அப்பாலாய் இப்பாலாய் அண்மையாய்ச் சேய்மையதாய்
எப்பாலாய் எப்பாலும் இல்லதுமாய்ச் - செப்பாலும் 17
நெஞ்சாலும் காய நிலையாலும் அந்நிலைக்குள்
அஞ்சாலுங் காண்டற்கு அரும்பதமாய் - எஞ்சாப் 18
பரமாய்ப் பகாப்பொருளாய்ப் பாலாய்ச் சுவையின்
தரமாய்ப் பரப்பிரமம் தானாய் - வரமாய 19
ஒன்பான் வடிவாய் ஒளியெண் குணக்கடலாய்
அன்பாய் அகநிலையாய் அற்புதமாய் - இன்பாய் 20
#thiruvarutpa #நெஞ்சறிவுறுத்தல்
------------------------------------------------------------------------------------
DISCLAIMER: This Channel DOES NOT Promote or encourage Any illegal activities , all contents provided by This Channel.
Copyright Disclaimer Under Section 107 of the Copyright Act 1976, allowance is made for "fair use" for purposes such as criticism, comment, news reporting, teaching, scholarship, and research. Fair use is a use permitted by copyright statute that might otherwise be infringing. Non-profit, educational or personal use tips the balance in favor of fair use.
------------------------------------------------------------------------------------
#Vallalar #thiruvarutpa #VallalarSongs #திருவருட்பா / @thiruvarutpa thiruvarutpa tv, thiruvarutpa
Негізгі бет மனத்திற்கு வள்ளலார் சொன்னஅறிவுரை | Vallalar Songs with Explanation
No video
Пікірлер: 14