Devorlarni ushlab yura boshlasam,
Gaplarim noto‘g‘ri qura boshlasam,
Kallai-saharlab tura boshlasam,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
Choyimga bo‘ktirib yesam nonimni,
Xotining koyisa olmay yonimni,
Qiyin qiynoqlarga qo‘yib jonimni,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
Bir gapni o‘n marta qaytarib aytsam,
Nonga deb ketsamu, non olmay qaytsam,
Bir kun sog‘, o‘n besh kun to‘shakda yotsam,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
Qimmat idishlaring sindirib qo‘ysam,
Ko‘rpamni quyoshga ildirib qo‘ysam,
Ustimdan hammani kuldirib qo‘ysam,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
Kelmasang, o‘n marta qilsam qo‘ng‘iroq,
Qaydasan bolam deb xo‘p qilsam so‘roq,
Bilsang havotirdan o‘lgan yaxshiroq,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
Mehmoning kelganda o‘tiraman jim,
Onang ekanimni bilmaydi heyeyeyech kim,
Xonamga qamasang, og‘riydi qalbim,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
O‘ksib yig‘layversam huda-behuda,
Biron taom qo‘msab qolsam gohida,
To‘rdan go‘rim yaqin bo‘lgan chog‘ida,
Menga qavog‘ingni uyma, jon bolam,
Aslo yolg‘izlatib qo‘yma, jon bolam!
✍️Malika Salimova
🎙Feruzabonu
Негізгі бет Menga qovog‘ingni uyma, jon bolam
Пікірлер: 6