يا قطر العمر ليه بتطير
وانا مش عارف اوصل فين
انا كان حلمي والله كبير
لكن ايامي مش راضيين
وحيد بعد اما شيلت الكل
ماهي الدنيا بمليون وش
وكل اللي ضحك وياك
دا ضحكه كله غش ف غش
وانا مخنوق ومش طايق
ولا عايز غير اني اعيش
اكون مستور واكون راضي
واقول اه معايا لو ممعيش
دواير واحنا مش فاهمين
وهخرج امتا م اللي انا فيه
اخلص عمري على مركب
طب امي وابويا يعملو ايه
انا مشدود على رقبتي
حبال الدنيا والسكاكين
ومهما باخد طريق وحدي
الاقي طلعلي كوم تعابين
(((((وانا عايش مغلوب على امري لكن غصب بعيش
مكتوبلي اقوم ومهما يبقا فيا حزن اقول مافيش
اخرتها ايه تعبت ومين حاسس قلبي برضو وحيد
طب واعمل ايه كل اما افوق بلاقي جه جرح جديد))))
يادنيا لو هترتاحي
ف حزني فا اشطا قلبي حزين
ولو هيريحك تعبي
فانا تعبان بقالي سنين
قالولي الفرحه هتجيلك
صبرت وقولت يمكن خير
وكنت شباب وفي صحه
لقيت نفسي عجوز وكبير
يا قطر العمر طب هدي
او اركن حبه نتفاهم
وهاتلي سنيني م الاول
وسيبني فيها اتعامل
انا مختارتش ابقا حزين
دا انا بجري من الاحزان
وكل ما اداري جرح قديم
بلاقي جرح تاني يبان
يا متكسر يا متحطم
بقت دي حياتي واعمل ايه
انا مش لاقي تصريفه
تخرجني من اللي انا فيه
@اغنية مغلوب علي امري
@حوده الجزار
كلمات كريم صالح
www.facebook.c...
www.tiktok.com...
www.instagram....
Негізгі бет مغلوب علي امري - الجزار
No video
Пікірлер: 17