تابعوني على اكونتاتي الرسميه ❤️⤵️
----
Facebook |
/ zeyadeldasas
----
Instagram |
/ zeyadeldassasofficial
----
الكلمات :
----
كانت اخر كلمه قالتهالي " هتوحشني "
و انا غصب عني بعدت عنها و الف سد حاشني
كل يوم بفكر فيها و التفكير هلكني
ليه سيبتيني .. ده انا ملحقتش اقولك ان الكل سابني
حاجات قديمه .. مشاعر حد يشتريها ؟
حب متقدرش و قلب اتكسر مفهوش حته سليمه
حاجات قديمه .. حنين لـ ماسكة ايد في سيما
" انا جمبك .. انا بحبك " .. و انتهت بـ قلة قيمه
كان نِفسي لما اغيب تندهلي ..
عشان اسمعها و هي بتنده كنت ماشي على مهلي
انا ميرضينيش تتذلي ..
حاربتيني يا روح قلبي و عشانك حاربت اهلي
سيبتك عشان احميكي مكانش قصدي اضحي بيكي
كنت في عز البرد بولع بس عشان خاطر ادفيكي
انا عارف اني لسا عايش فيكي
بس حب واحد زيي مرض ربنا يشفيكي
--
زي علاء الدين .. معنديش اهل ولا فلوس
بفرحلهم و انا لوحدي بقولهم " مليون مبروك "
كله بيحقق احلامه اما انا حلمي ده بقى كابوس
و ده المكتوب .. مفيش اميرة هتحب في صعلوك
لو كان بـ يدي .. كنت تقلتك بالدهب
بس الدنيا عاندت فيا و صدرتلي الوش الخشب
و عشان معيش .. حلمي من ايديا اتسلب
حاربت الكل عشانك في الاخر قلبي اللي اتغلب
حاولت انساكي بس هزمني الاشتياق
انتي وحشتيني بجد ملوش لزوم الكبرياء
لو قولت ان قلبي فاق هيبقى كدب او نفاق
لسا انا في نفس السباق .. ياسمين مش ليك يا علاء
فنان فقير .. معيش بساط ولا حتى جني
كل النهايات حزينه الدنيا دي مش زي ديزني
حضنها واحشني .. بعدها تعبني و هيجنني
ازاي مستني حد يعوزني و انا اساساً مش عايزني !
--
صباح الخير .. لا شوفت خير ولا حتى صباح
زهقت خلاص من جلد الذات و كل ليل في صياح
كله راح .. متبقاليش غير الجراح
مشاكلي دي محلهاش ولا جني ولا مصباح
و انا مهما ابان تمام متصدقيش انا جرحي كبير
رغم انك مش ليا بس غصب عني عليكي بغير
و الجرح ده .. ميتلصمش بالامير
انا اسف .. انا اسف اني مش امير
حاولت انساكي كتير جربت 100 طريقة
كل محاولاتي فاشله مش هعرف اهرب من الحقيقه
ببين اني تمام مع اني قايده في قلبي حريقه
و رغم اي حاجه لسا انا بشوفك بنتي البريئه
ليه سيبتيني .. ده انا كنت شاريكي ليه تبيعيني ؟
كنت بقولك " يا ضي عيني " .. ليه تضيعيني ؟
خبيني في حضنك .. مليش مكان غيره هيأويني
ملقيتش طريقة في بُعدك ولا قلبي مقويني
--
حقك عليا .. انا اسف يا نور عينيا
كان نِفسي تبقي ليا بس معادش شئ في ايديا
اخري ابص عليكي من بعيد و ادعيلك تبقي ناسيه
يعني ايه .. يعني خدتي كل مشاعري و ماشيه ؟
بيكلموني .. و من بعيد بيطمنوني
بيقولولي " شوفلك غيرها " اشوف ازاي دي نور عيوني ؟
عمرك ما تهوني .. مهما كتير حاولوا يقسوني
مش هينسوني .. ايامك لسا بيوحشوني
فاكر كلامك .. انا منسيتكيش و حياتك
مش قولتيلي " هتفضلي تحبيني لحد يوم مماتك " ؟
ازاي تنسيني .. مش قولتي ان انا فارس احلامك ؟
ده انا رغم ان انتي عملتي بلوك لسا مثبت شاتك
رغم ان احنا خلاص بعدنا بدعي اني الاقيكي مقربه
مش لاقي نفسي في اي مكان مشاعري متغربه
مش عارف افرح .. ولا هتهديني الطبطبه
زي علاء الدين .. بس اتطردت من اغربه
----
Written By : Zeyad El-Dassas
Vocals : Zeyad El-Dassas
Music : (Prod By : Zeyad El-Dassas)
Rec By : Zeyad El-Dassas
Mix & Master By : Zeyad El-Dassas
Poster By : Kovu
----
#زياد_الدساس #علاء_الدين
Негізгі бет زياد الدساس - علاء الدين | Zeyad El-Dassas - Aladdin
Пікірлер: 131