رقم حجز الاستشارات والكورسات : ٠٠٢٠١١٥٠٥٨٦٠٥٢
من اكبر طرق اضعاف النرجسي : تحدي الذات المزيفة للنرجسي (القناع)
هل انتي تقدري تتحدي الذات المزيفة للنرجسي؟ تقدري تتحدي القناع والصفات العظيمة وتكشفيها ادامه؟
احنا اتفقنا الحلقة اللي فاتت على ان القناع هو الذات المزيفة واتفقنا انها خط دفاع عن الذات الحقيقية وان طول ما القناع دة سليم وقوي ومخبي اللي وراه كويس فالنرجسي في امان لكن اذا حصل أي كشف للقناع او حتى لجزء منه بيحصل الجرح النرجسي ، اللي هو ايه الجرح النرجسي دة ؟ اللي هو كشف صفة من الصفات بتاعة الذات الحقيقية واظهارها للنرجسي ودة معناه انك بتنفي عكسها عن الذات المزيفة ، يعني ايه الكلام دة؟ يعني انتي دلوقتي عرفتي ان النرجسي كذاب وهو طبعا القناع اللي لابسه بيقول انه اصدق واحد في العالم فلما تقولي له انت كذاب فمعنى كدة انك بتقولي ان صفة من صفات القناع مش موجودة فيه اللي هي الصدق فانتي بتهاجمي الذات المزيفة هجوم صريح بيعمل جرح نرجسي ينتج عنه غضب نرجسي شديد جدا .
طيب امال ازاي حنقدر نضعفه اذا مجرد الإشارة لاي عيب او حقيقة مرة فيه ممكن تسبب بركان من الغضب حنعمل كدة ازاي ؟
حقول لك مع امثلة حية لكن قبل ما أقول لك عايزة افهمك ان مش كل حد يقدر يعمل دة خصوصا لو النرجسي بيضرب او متهور وممكن يطرد من البيت او لاحظتي عليه أي نوع من أنواع التهور لان تحدي النرجسي فعلا ممكن يخليه يؤذيكي
طيب نعمل الحكاية دي ازاي؟
شوفي الحكاية دي تتعمل في حالتين فقط ،لو انتي ناوية تسيبيه فمش فارق معاكي أي رد فعل منه ، او لو انتي تعافيتي واصبحتي مستقلة عنه ماديا وبقيتي مسيطرة على حياتك معاه
طيب حتعملي دة ازاي ؟ حتبدأي في الأول تحسسيه انك فاهماه ولما يتلاعب وماتديلوش رد الفعل اللي هو عايزه تفهميه من غير ماتتكلمي انك مش حتديه رد الفعل لانك فاهمة انه بيكدب او انه بيدعي وممكن تعملي كدة من غير كلام كتير ،يعني مثلا هو بيعمل لك جاسلايتينج حصل موقف وانتي قلتي فيه انا رايحة المكان الفلاني وهو سمعك وماعلقش لكن انتي متأكدة انه كان منتبه معاكي وانتيب تتكلمي وبعدين ساعة ماتيجي تروحي المكان دة يقول لك ماقلتيش انك رايحة انتي هنا ادامك حل من اتنين يا اما تحلفي انك قلتي وتتعصبي وهو دة اللي هو عايزه ،يا اما تقولي بهدوء انا قلت كذا وكذا وانت ماردتش بس سمعتني وتسكتي تماما وماتديش أي رد فعل اكتر من كدة وطبعا الموقف ممكن يكون مشوار مهم ولازم يتعمل في الحالة دي حتضطري تنزلي وتسيبيه ولو المشوار ينفع يتأجل اجليه لكن حتكوني قلتي له بهدوء انت سمعتني وانت عارف اني قلت لك ومع ذلك مش مهم المشوار حأجله او حعتذر ،المهم انك هنا وضحتي له انك فاهماه ولكن ماحصلش تصادم هنا اللي بنقول بالتدريج تفهميه انك فاهماه بالتدريج بدون تصادم ، وماتديهوش فرصة يقول لك لا ماقلتيش ويحاول يدخلك تاني في اللعبة قولي جملتك وامشي ، وخلي دة اسلوبك معاه دايما تعرفيه انك فاهمة لكن بدون تصادم وفي نفس الوقت مش بتعندي ادامه ، دة تحدي له لكنه ع الهادي ودة للي حتتعايش ومش حتسيب ،
لكن اللي ناوية خلاص تخرج من العلاقة تماما ممكن تعمل دة بشكل صريح وبدون تنازل يعني انا قلت وانت سمعتني وانا حروح مشواري ولو انت ماسمعتش فدي مشكلتك لانك مش بتهتم لما أتكلم ومش بتركز معايا في الكلام لانك مش شايف اني استحق دة ودي برضه مشكلتك وبناء عليه حنزل .
اللي بتعمل لازم تكون آمنة ومتأكدة انه مش ممكن يمد ايده او يحاول يمنعها من الخروج بالقوة او أولادها مش معاه ،يعني في الوضع دة لازم مايكونش الأولاد حاضرين المناقشة أصلا لانه ممكن يستغلها ضدك مع الأولاد ويقول لهم مش بتسمع كلامي او بتكدب او بتخرج بدون اذني وخصوصا لو انتي عصبية وشديدة مع الأولاد نتيجة عيشتك معاه فدة بيخلي الأولاد يصدقوه وينحازوا له ويفكرو ان انتي اللي مفترية وبتيجي عليه فخدي بالك كويس من النقطة دي
Негізгі бет من اهم الطرق لإضعاف النرجسي
Пікірлер: 191