الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
انا تعافيت ومبقتش بحبه ولا بكرهه بس مش قادرة اشوف وشه ، مش قادرة استحمل وجوده في البيت ومش قادرة اتعامل معاه ابدا ، وجودة في البيت بيخنقني بحس اني مش قادرة اتنفس بيشفط الاكسجين من المكان كله وبحس انا والأولاد بسلبية مهولة مجرد مابيدخل البيت
احنا مفروض وصلنا في مستويات الوعي لمستوى الاستعداد واتفقنا اننا ماينفعش نستمر فيه ولازم نتجاوزه عشان مانقعش في فخ انما اوتيته على علم عندي ، والخروج من مستوى الاستعداد مش محتاج منك مجهود ولا أي حاجة هو محتاج منك انك تعترفي بفضل الله عليكي وانك تفهمي ان النجاح والنعمة اللي انتي فيها النهاردة دي مش انتي اللي جبتيها دي بفضل توفيق ربنا وبس وتحمديه وتشكري وتعترفي بضعفك وفقرك الى الله ومن هنا بما انك معترفة بضعفك وفقرك اليه فانتي مسلمة امرك له تماما وراضية باللي يديهولك وممتنة لكل نعمه ولما تشعري بقى انك راضية باللي بيديهولك تكوني راضية بجد مش باللسان لا رضا بالقلب ،يعني ايه يعني راضية بالصعب قبل السهل راضية بالنقص قبل الزيادة يعني ايه يعني ربنا ابتلاكي بالمرض ترضي ماتقوليش ربنا بيعمل فيا كدة ليه ، ابتلاكي بالنعمة تشكري وتحمدي وترضي مش ترضي بالنعمة وبس وساعة المرض تشتكي ربك ، هو النعمة ابتلاء طبعا اختبار حتشكري ولا تكفري وتقولي انما اوتيته على علم عندي؟ طيب لما بنخرج من مستوى الاستعداد اللي فيه النجاح بنلاقي نفسنا في النقطة دي راضيين ومنسجمين مع العالم بشره وخيره ،بنحس بالأمان لان احنا راضيين عن ربنا فهو كمان راضي عنا هو هاوكينز مسمي المستوى القبول وانا بسميه بلغتنا ولغة ديننا الرضا ، رضي الله عنهم ورضوا عنه ،الرضا او القبول بيخلينا نحس بالأمان لان مفيش حاجة بتقلقنا ولا بتخوفنا لان كله خير ،فاكرين حديث عجبا لامر المؤمن : عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن . فلما يكون فيه رضا بنلاقي نفسنا بنقول كل اللي يجيبه ربنا كويس كله خير والاحساس بالأمان دة بيدينا هدوء نفسي وثبات انفعالي عظيم جدا وكله من عند الله وبفضله ، بتلاقي نفسك بقيتي هينة لينة زي سيدنا ماقال ان الله يحب كل هين لين ودي على فكرة عبارة هاوكينز هينين لينين وعلى طبيعتنا ، وهنا لما بتدي حد حاجة بتديها له حبا مش تضحية لانك حاسة بالأمان وان اللي حتديه النهاردة حييجي غيره وانوانك لما بتدي مش بتستني يترد لك من اللي بتديه بتبقي مستنية الخير من صاحب الخير اللي عنده عطاء بلا حساب ، اهم حاجة بتنفعك في المستوى(الرضا) دة انك بتدركي ان الحب بييجي من جواكي وانك مش حتاجة تاخديه من حد برة ، ودي مشكلة زوجة النرجسي اللي دايما حاسة انها محتاجة تحب وتتحب وعايزة حد يطبطب عليها واكبر مشاكلها مع النرجسي بعد التعافي من الإدمان انها محتاجة راجل يحبها ويسندها وهي مش فاهمة ان الحب أصلا موجود جواها وانها مش محتاجة تاخده من حد ودة طبعا لما بتكون ماوصلتش لمستوى الرضا ، الرضا عن ايه عن ربها حبيبها الأول وبعدين الرضا عن نفسها ، في الرضا شفتي لما كنتي في مرحلة الحب الدهبية كنتي بترضي باي حاجة وكل حاجة يديها لك النرجسي سواء حلوة او وحشة ، اداكي وردة تفرحي بيها وترضي وتشوفيها هدية عظيمة ، قلل منك وحقرك بترضي برضه وتقولي عنده حق يمكن زعلته يمكن غلطت يمكن استفزيته وبترضي ولكن لما تكتشفي ان ربنا ابتلاكي بيه تسيئي الادب مع ربنا وماتحاوليش حتى تفكري مايمكن انا غلطت مايمكن عندي ذنب مايمكن فيا حاجة مزعلة ربنا مني مايمكن ربنا بيختبرني ااصبر ام اكفر ،ماهو انتي قلتي يمكن دي سنين مع النرجسي اللي كنتي متوهمة انه بيحبك وهو ولا حاجة أصلا هو عبد مؤذي وماشي تبع هواه وبيعمل فيكي اللي عايز يعمله تبعا لهواه ولشيطانه ، مين أولى انك ترضي عنه المحب الحقيقي والحبيب الحقيقي المعطي الحقيقي والرحيم الحقيقي ولا العبد السيء ، ولا حتى العبد العظيم ، مين أولى برضاكي ؟
طيب ايه علاقة الرضا والقبول بالنرجسي ؟ ماهو انتي لو رضيتي حتحسي بالأمان والاحساس بالأمان حيديكي حب الذات واحترامها وبعدين الثبات الانفعالي وبكدة تعرفي تتعاملي مع النرجسي ، والاهم من كل دة الرضا حيخليكي ترضي عن وضعك اللي انتي مش بإيدك تغييره ، انتي مش قادرة تتركيه ولكي ظروفك وفي نفس الوقت مش قادرة تتحملي وجوده أصلا فانتي في محنة وابتلاء حتصبري وترضي ولا لا ، لو رضيتي عن ربك حتتقبلي وضعك وتسلمي امرك لله وتستلمي لقضاؤه وحتتقبلي وجود النرجسي في الحياة زي ما بنتقبل المرض ونرضى بيه ولو مارضيتيش انتي حرة اشفي نفسك بقى وريني حتشفيها ازاي ماهو انتي معترضة انه ابتلاكي بالمرض ؟ ولا راضية وبتدعي وتقولي اذا مرضت فهو يشفين وبتاخدي بالاسباب وبالادوية اللي هو خلقها لنا ، هو النرجسي زي المرض المزمن اللي لازم نتقبل وجوده وناخد له الدوا ونفوض امرنا لله فيه ،اذا رضيتي حتخف حدة الطاقة السلبية اللي بيدخلها معاه وهو داخل عارفة ليه لان رضاكي وذكرك واستغفارك وهدوء نفسك وجمال روحك في الرضا بتكون طاقة إيجابية تملا الكون مش بيتك وبس ،بتلاقي نفسك منين ماتروحي الناس تقول الست دي عندها طاقة إيجابية مهولة الست دي مريحة جدا وبتشع حب وسعادة وبتخلي الجو مبهج ومريح ، دة ليه لانك مليانة بالرضا ورضاكي بيغلب سلبية النرجسي .خدي بالك ان الرضا هنا مش الرضا عن اذاه ولا عن اغلاطه ومصايبه لا الرضا هنا عن انك ابتليتي بيه وان ربنا كتب عليكي وجوده في حياتك وعن ان رزق اولادك مربوط بيه الى ان يشاء الله ، مستوى الرضا او القبول موضوعه كبير جدا ومايكفيهوش عشرين حلقة انا بس عايزاكي تفهمي ان انتي مش محتاجة حد يحبك الحب موجود جواكي والحب بيتحس مش بيتاخد ولو حسيتيه من ربنا مش حتحتاجيه من غيره واللي مخليكي مش عارفة تحسيه من ربنا انك منتظراه من غيره حب ربنا موجود وانتي اللي مش شايفاه لانكب تبصي في الاتجاه الغلط
Негізгі бет مش طايقة النرجسي ومضطرة اتعايش اعمل ايه؟
Пікірлер: 162