Нұрхан Ахметбеков (1903 - 1964) пен Молдахмет Тырбиев (1881 - 1951) алғаш рет 1943 жылы Алматы қаласында өткен республикалық айтыста жолыққан. Нұрхан Қостанай облысының, Молдахмет Солтүстік Қазақстан облысының атынан шығып айтысады. Бұл екеуінің айтысы ұзаққа созылғасын халық ақыны Омар Шипин "даяғашы" болып Нұрхан мен Молдахметке тоқтам сөз айтқан.
Осы жолы халық ақындарының республикалық айтысы жөніндегі үкімет комиссиясы айтыстың қорытындысын шығарып, оның нәтижесі мынадай болды:
Ұлы отан соғысы күндеріндегі үздік творчестволық жұмысы үшін: халық поэзиясының алыбы үш орденді, Сталиндік сыйлықтың лауреаты Жамбыл қартқа бір атан мен шапан, Нүрпейіс, Доскей, Шашубай, Орынбай ақсақалдардың әрқайсына бір-бір ат бәйге берілді.
Бірінші төрт бәйге: Қарағанды облысының ақыны Маясар Жапақовқа, Алматы облысының ақыны Қуат Терібаевқа, Қызылорда облысының ақыны Нартай Бекежановқа, Семей облысының ақыны Нұрлыбек Баймұратовқа әрқайсысына бір-бір ат берілді.
Екінші төрт бәйге: Жамбыл облысының ақыны Кенен Әзірбаевқа, Қостанай облысының ақыны Нұрхан Ахметбековке, Солтүстік Қазақстан облысының ақыны Молдахмет Тырбиевке, Оңтүстік Қазақстан облысының ақыны Қазанғап Байболовқа әрқайсысына бір-бір құнан мен шапан берілді.
Үшінші сегіз бәйге: республикалық айтысқа қатысқан Қызылорда облысының ақыны Гүлжамал Шәукебаеваға, Жамбыл облысының ақыны Жақсыбай Жантөбетовке, Семей облысының ақыны Төлеу Көбдіковке, Қарағанды облысының ақыны Жолдыкей Нұрмағамбетовке, Алматы облысының ақыны Әбдіғали Сариевке, Қостанай облысының ақыны Омар Шипинге, Солтүстік Қазақстан облысының ақыны Ғалия Жұбандықовқа, Гурьев облысының ақыны Сәттіғұл Жанғабыловқа, Қызылорда облысының ақыны Әлібек Бәйкеновке, Семей облысының ақыны
Сапарғали Әлімбетовке әрқайсысына бір-бір шапан берілді.
Бұлардан басқа 12 ақынның әрқайсысына бір-бір шапан берілді.
1946 жылы Жамбылдың 100 жылдығына арналған республикалық айтыста Нұрхан мен Молдахмет қайта жолығады. Бұл жолы Қостанайдан Нұрхан Ахметбеков, Қарағандыдан Жолдыкей Нұрмағамбетов, Алматыдан Саяділ Керімбеков бірінші бәйгені жеңіп алған.
Сіздерге ұсынылған айтыс Нұрханның 1943 жылы болған айтысының үзіндісі. Жырлаушысы Күләнда Бөкешова.
Негізгі бет Нұрхан мен Молдахмет айтысы (үзінді)
Пікірлер: 1