NAXÇIVAN KƏTƏSİ
RESEPT
Xəmir üçün
6 stəkan (200 qramlıq) un
1 stəkan əridilmiş yağ
200 q xama və ya qatıq
1 stəkan süd
3 ədəd yumurtanın ağı
1 paket vanil
1 çay qaşığı dolu maya
Hazırlanması
Unu ələyirik,üzərinə vanili,yağı,xamanı,südü və aktivləşmiş mayanı əlavə edib yumuşaq xəmir yoğururuq.Üstünü qalın bir şeylə örtüb 1 saat mayalanmağa qoyuruq.Bu arada içliyi hazırlayırıq.Əvvəldən də hazırlaya bilərik.
İçlik üçün
2 stəkan qaragöz lobya
4 ədəd soğan
3-4 dolu yemək qaşığı kərə yağı
Duz
İstiot
Sarıkök zövqə görə
Hazırlanması
Lobyanı axşamdan suda isladırıq.Səhər bişiririk.Soyuyandan sonra ət maşınından keçiririk.Soğanı ət maşınından və ya blendirdən keçirib suyunu sıxıb atırıq.Soğanı yağda qızarana qədər qovururuq,sonra lobyanı onun üzərinə əlavə edirik.Daha sonra duz,istiot və sarı kök vurub,altını söndürürük.Xəmir mayalandıqdan sonra balaca kündələr tuturuq.Kündələri açıb,içlikdən qoyub zövqə görə bükürük.Çay qaşığı ilə üstünə naxışlar vururuq.Yumurtaların ağını xəmirə tökmüşdük,sarılarını da kökələrin üstünə çəkirik.Zövqə görə üstünə çörək otu da səpə bilərik.
Негізгі бет NAXÇIVAN KƏTƏSİ
Пікірлер: 222