Nirali hai kya fitrat e mominana....Nazar qahirana Ada buzdilana ....
Kalam : ustazul asatiza hazrat Abul bayan Hammad Umri hafizahullah
(sabi ustaaz jamia darussalam oomerabad)
نرالی ہے کیا فطرت مؤمنانہ
نظر قاہرانہ ادا دل برانہ
یہ اب آگیا کیسا الٹا زمانہ
فسانہ حقیقت حقیقت فسانہ
گلستاں میں ہم رہ کے اب کیا کریں گے
نہ کوئی نشیمن نہ کوئی ٹھکانہ
مرے ساتھ آلام جو صف بہ صف ہیں
حوادث بھی ہمراہ شانہ بہ شانہ
ادھر میں تڑپتا ہوں کنج قفس میں
اُدھر جل رہا ہے مرا آشیانہ
جسے کہتے ہیں سب زوال مسلماں
وہ قدرت کا ہے اصل میں تازیانہ
ہے مومن کی شاہی میں شانِ گدائی
گدائی میں انداز ہیں خسروانہ
نہ کیوں شان رحمت کرے دست گیری
اُسے چاہیے بس ذرا سا بہانہ
مسلمان ہر در پہ کھاتا ہے ٹھوکر
چھٹا جب سے اللہ کا آستانہ
اُسی سمت سارا جہاں چل پڑے گا
جدھر قافلہ میرا ہوگا روانہ
محمد پہ قرباں مری جان حمادؔ
محبت ہے اُن سےمجھے والہانہ
بشکریہ: شعری مجموعہ" فردوس غزل" ص: 293
کلام: استاذ الاساتذہ حضرت مولانا ابوالبیان حمادؔ حفظہ اللہ
[سرپرست جمعیت ابنائے قدیم جامعہ دارالسلام عمرآباد]
آواز: طلبہ جامعہ دارالسلام عمرآباد
پیش کش: شیخ اسماعیل افضل ،حیدرآباد
سید ظہیر دانش عمری ،کڈپہ
Негізгі бет Nirali hai kya Fitrat e Mominana ll Abul Bayan Hammad Umri
Пікірлер