Me shumë përkushtim, profesionalizëm dhe rigorozitet studiuesit Emil Lafe dhe Thoma Qëndro kanë punuar mbi një vepër të rëndësishme të periudhës së Rilindjes, poemën ”Historia e Skënderbeut” e Naim Frashërit. Është një botim i përditësuar dhe i plotësuar bazuar në botimin e një tjetër studiuesi të njohur të gjuhës shqipe, prof. Kostaq Cipo.
Kjo vepër e botuar në vitin 1898 në Bukuresht, pak kohë para vdekje së Naim Frashërit, u ribotua për lexuesin në vitin 1953 e redaktuar e pajisur me shënime nga prof. Kostaq Cipo.
Dhe tashmë vjen sërish e pasuruar dhe e përditësuar nga studiuesit Emil Lafe dhe Thoma Qëndro.
Në Qendrën Kombëtare të Librit dhe Leximit mes miqsh dhe dashamirësish të librit Profesor Emil Lafe bëri një prezantim të kësaj vepre të rëndësishme ku edhe u ndal te rëndësia historike e saj.
Kryeredaktorja e shtëpisë botuese Albas Natasha Pepivani tha se ky botim është tejet i veçantë pasi është një përtëritja e veprës madhore të rilindasit të madh si dhe përtëritja e punës së studiuesit, eruditit dhe gjuhëtarit të madh Kostaq Cipo.
Historia e Skënderbeut" është një poemë epike e përbërë nga 22 këngë. Ngjarjet ndjekin rendin kohor: Fillojnë me dërgimin e djemve të Gjon Kastriotit peng të sulltanit dhe mbarojnë me vdekjen e Skënderbeut dhe pasojat e rënda që ndoqën.
#albas #albasmedia #albaspublishing #skenderbeu #
Негізгі бет Promovimi i “Historia e Skëndërbeut” botimi i përditësuar nga studiuesit Emil Lafe dhe Thoma Qëndro.
No video
Пікірлер