Бұл былтыр желтоқсан айында өткен Қызылордадағы шыны зауытының ашылу салтанаты. Зауыттың лентасын Сенат төрағасы Мәулен Әшімбаев пен сол кездегі облыс әкімі Гүлшара Әбдіқалықова қиған еді. Кейіннен Әбдіқалықованың "енді 3 айдан кейін зауыттан алғашқы өнім шығады" деген сөзі ел есінде. Бірақ содан бері жарты жылға жуықтаса да, кәсіпорын әлі күнге іске қосылмапты.
Қызылордадағы шыны зауытының құрылысы қым-қиғаш оқиғаларға толы. Зауыт құрылысы жүріп жатқан тұста оған бөлінген ірі көлемдегі ақшаны жымқырды деп, Қуандық Бишімбаев сотталған еді. Бишімбаев қазір бостандыққа шықты, ал зауыт әлі өнім шығарған жоқ. Облыстың да бір емес, үш бірдей әкімі ауысты. Әр әкім "әне-міне зауыт ашылады" деп жүргенде он жыл өтті. Ал өткен жылдың 8-желтоқсанында сенат төрағасы мен сол кезде облысты басқарған Гүлшара Әбдіқалықова өндіріс орнының пешін жағып, зауытты салтанатты түрде ашып кеткен еді. Сөйтсе де, зауыт іске қосылмай қалыпты.
БОЛАТ ЖҰМАДІЛДАЕВ, жалдамалы жұмысшы:
- Біздікі дәнекерлеу жұмыстары ғой. Трубаларды, басқаларын. Зауыт әлі қосылмаған ғой. Енді қосайын деп жатыр ғой. Тоқтарын, басқасын енді жалғап жатыр ғой.
Қазір 100 пайыз акциясы қытайлық компанияның иелігіндегі кәсіпорынға бөтен адамды кіргізбейді. Айналасын тікенекті сымдармен қоршап тастаған. Ал зауытты салуға тапсырыс берген компания өкілдерінің сөзінше, кәсіпорын жұмысын бастауға қыста дайын болған.
ЕРЖАН САҒЫНБАЕВ, "Orda Glass LTD" ЖШС төрағасының орынбасары:
- Біз дайын болдық. Төрт горелкамен асықпай үш ай қыздыруға болатын еді. Бірақ бір өшіріп, бір қосқаннан кейін күйіп кетті. Ол да моторлы зат қой. Кез келген жерде сатылмайды. Оны арнайы жинайтын заттар да.
Яғни салтанатты түрде жағылған алау ұзақ жанбаған сияқты. Ал жауапты мекемелер зауыттың алғашқы өнімі жазда шығады деп отыр.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Қызылорда #шыны_зауыты
Негізгі бет Ресми марапатпен әкім ашқан зауыт жарты жыл өтсе де, әлі іске қосылмады
Пікірлер: 26