هبّت هبوب الشعر و الـلـيـل داني
والفرح ذعذع على صدري نسيمه
قـام هجسي يجتلد بين المعاني
لين خـلا له على الجزله وسيمه
ماني بـ شاعر يهيم إمع الغواني
ما كتبت الا على عـز و حشيمه
كان ما صحو على قولي لساني
ماني ابن الي خذا الطاله غنيمه
قـدمـونـي ربعي اطـوال اليماني
الزحول اللي لهم قـدرٍ و قيمه
بسمهم يا مرحبا قـاصي و داني
عـد ما هلّت على الوديان ديمه
مرحبا باللي حضر ذا الليل عاني
عند ابو مهناا راع الكف الكريمه
متعب اللي منزله راس البياني
الردى في منهجه جرم وظليمه
وطـاري مـهـنـا لـيـا زار المكاني
ما يـقـال الا عسى ربي يديمه
ذاك ابن عمي ليا مِس البطاني
ضاري بفعله على قطع الخريمه
طيّبٍ من طيب ابوه المكرماني
عـزمٍ بـ قـلـبـه و بـ لـسانـه عزيمه
صلب جدي والفخر فيهم دعاني
بالفعول الي من عـصـورٍ قديمه
يومها بالرمح والسيف اليماني
عزّي لمن كان اخو ثنوا خصيمه
فعلنا وقت القسى قبل اللياني
فالوغا نارد على الموت بعزيمه
لا انثنى العذوري فوق الحصاني
يا عوين الي على الهيجا غريمه
من تعزوا بالعماير ما يهاني
عزوةٍ فالهوش ما ترضى الهزيمه
من بني خـالـد مخضبة السناني
لازبنا المستضيم نزيح ضيمه
كنه يقول الـزمـن هـذا زمـاني
بين ربعي يبتجح محدٍ يضيمه
حاكمين إمن الكويت إليا عماني
دولة عظمى و سيرتنا عظيمه
انشد الاتراك تعطيك البياني
وانشد العارض عن امجاد مقيمه
📝
Негізгі бет شيلة المنشد فهد ابن جري : افراح العذوّري : كلمات : فهد العذوّري
Пікірлер: 11