كلمات العمل :
لا سرا ليلٍ ماخذت من سهره غير الندامه
جعل قسمي خير مع صبحٍ ..يعافيني نسيمه
ماهدا بالي وجفني ( فاقدٍ ) لذة منامه
والسهر مثل النديم اللي يسولف مع نديمه
وان شدا الشادي وغنت من على الغصن الحمامه
كني اللي طالعٍ .. بالنصر واخذ له غنيمه
قربا لي طرسي … وخل المشهر والنعامه
الهجوس حروبها فالبال ..من مده مقيمه
و الهقاوي ماتبا الا قرم ما تبرد عضامه
والمدايح ماتساق الا على الرجل الصتيمه
والبيوت اللي لها بالصدر جوله واحتدامه
جت توارد مثل ما تارد على العد المحيمه
ومدحة الطيب ماتلحقني عتاااب ولا ملامه
والردي محرمه ربي : مير يامال الحريمه
اتنصا اللي مقامه عز … عز الله مقامه
عبدليٍ يعتصب بالحق : ويطوع غريمه
ذا سمير محمد اللي فزعته تسبق كلامه
من يعرفه مايعرف اللي من الدنيا يضيمه
هيلعاً من دون نجم سهيل ما علق مرامه
اصوكٍ فيـه المكارم طبع ويدينه كريممه
:
ينطح الضيف بقبالٍ سمح وبحسن ابتسامه
كنه مبشر لا شاف الضيف ببشاره عظيمـه
:
كل ليل مصلحٍ له .. واجب وذابح كرامه
يوم غيره كل ليل يروح حاضر له عزيمه
:
للجمايل ماثنى رجله … ومحتزمٍ حزامـه
قرمٍ يشوف التخلي هون والصده جريمه
افخر بخوة صليب الراس واحفظ له مقامه
واقف بحفله وارحب والمشاعر مستهيمه
مرحبا والعود كنه داخل الصاله غمامه
مرحبا والكيف داير .. من وجوب ومن حشيمه
مرحبا عند الموايق ذروة المجد وسنامه !!
الرجال اللي مواقفهم على الدنيا مقيمه
لابةٍ يوم الجهل يشهر على الديره حسامه
كاتبين المجد بفعولٍ لها للحين قيمـه
كلنا مطران والمطران …. لـ التاريخ هـامه
والله ان المجد فيه الوسم لـ مطير العظيمه
خصمنا وقت الملاقا لو معه حكم وزعامه
ويملك جيوشٍ مرنه : ما تقطعه الخريمه
لا انتخينا فوق دهم الخيل واستاقنا جهامه
طاح من هول المصاب وجر صيحه من صميمه
ويوم زل الجهل وارسى معزي الحكم ونظامه
مابقى لـ البطش دور ولا بقى لـ السيف قيمه
عزنا الله في معزي .. وانجلى الليل وضلامه
والوطن كل القبايل فيه تنعم من نعيمه
والولاء مهدينه ابن سعود لا يوم القيامه
والزمن هذا زمن سلمان جعل الله يديمه
العظيم اللي يدير الحكم من قصر اليمامه
هو زعيم الشرق الاوسط عاش من هذا زعيمه
--------------------------------------------------
تصميم وتنفيذ: سمو للإنتاج المرئي
تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق
____________________
لايكـ + أشتراكـ + تعليق
وترقبوا المزيد و الجديد
يسعدنا تواصلكم على:
جوال [ واتس آب ] : 966550690666+
تويتر : / smotube
إنستقرام : / smotube
ايميل : smotube1@gmail.com
سناب شات : / smo.tube
تيليجرام : telegram.me/smotube
Негізгі бет Музыка شيلة مقام العز كلمات الشاعر بتال بن مساعد أداء فهد ال عكروم
Пікірлер: 2