ഗുരുദേവന്റെ സന്ദർശന ശതാബ്ദിയോടനുബന്ധിച്ച് ശ്രീനാരായണ മാനവധർമ്മം കൂട്ടായ്മയുടെ നേതൃത്വത്തിൽ വൈക്കം സത്യാഗ്രഹ മെമ്മോറിയൽ ഹാളിൽ സംഘടിപ്പിച്ച ഏകദിന സെമിനാറിൽ ഡോ ടി എസ് ശ്യാംകുമാർ പ്രഭാഷണം നടത്തുന്നു . ( 27.09.2023 )
മനുഷ്യവിരുദ്ധതയെ വർണ്ണാശ്രമ അധർമ്മമെന്നാണ് വിശേഷിപ്പിക്കേണ്ടതെന്ന് (ഡോ.) മോഹൻ ഗോപാൽ
വൈക്കം: ജാതി, നീതി, വർണ്ണ അടിസ്ഥാനത്തിൽ ജനങ്ങളെ വിഭജിക്കുകയും വിവിധ തട്ടുകളിലാക്കുകയും ചെയ്യുന്ന മനുഷ്യവിരുദ്ധതയെ സനാതന ധർമ്മമെന്നല്ല, വർണ്ണാശ്രമ അധർമ്മം എന്നാണ് വിശേഷിപ്പിക്കേണ്ടതെന്നും, തെറ്റായ മതബോധമില്ലാതെ എങ്ങിനെ ജീവിക്കാമെന്ന സന്ദേശമേകുന്ന ശ്രീനാരായണ മാനവധർമ്മവുമായി അതിനെ താരതമ്യം ചെയ്യുന്നത് നീതിയല്ലെന്നും പ്രൊഫ.(ഡോ.) മോഹൻ ഗോപാൽ പറഞ്ഞു. ശ്രീനാരായണ മാനവധർമ്മം സനാതന വർണ്ണാശ്രമ അധർമ്മത്തിനെതിരെ നടത്തിയ പോരാട്ടമാണ് വൈക്കം വിപ്ലവമെന്നും ഭരണഘടനാ വിദഗ്ധനും ജുഡിഷ്യൽ അക്കാഡമി മുൻഡയറക്ടറും നാഷണൽ ലോ സ്കൂൾ ഓഫ് ഇന്ത്യ യൂണിവേഴ്സിറ്റി മുൻ വൈസ് ചാൻസലറുമായ അദ്ദേഹം പറഞ്ഞു.
വൈക്കം വിപ്ലവ പോരാളികളെ ആവേശഭരിതരാക്കിയ ശ്രീനാരായണ ഗുരുദേവന്റെ സന്ദർശന ശതാബ്ദിയോടനുബന്ധിച്ച് ശ്രീനാരായണ മാനവധർമ്മം കൂട്ടായ്മയുടെ നേതൃത്വത്തിൽ വൈക്കം സത്യാഗ്രഹ മെമ്മോറിയൽ ഹാളിൽ സംഘടിപ്പിച്ച ഏകദിന സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. ചാതുർ വർണ്യ വ്യവസ്ഥിതയിൽ ജീവിക്കുന്ന അവസാനത്തെ തലമുറയായിരിക്കണം ഇപ്പോഴത്തേത്. ശ്രീനാരായണ ഗുരു പറഞ്ഞത് എന്താണെന്ന് നേരിട്ട് വായിക്കുകയും മനസ്സിലാക്കുകയും പങ്കു വെക്കുകയും പ്രാവർത്തികമാക്കുകയും വേണം. ഗുരുവചനങ്ങളെ തെറ്റായി വ്യാഖ്യാനിക്കുന്നതിനെ തിരുത്തണം.
അമേരിക്കയിൽ കറുത്ത വർഗക്കാർ അടിച്ചമർത്തലിനെതിരെ പ്രതികരിച്ച് അധികാരത്തിൽ വരാൻ ഇടയാക്കിയത് യേശുക്രിസ്തു എന്താണ് ചെയ്തത് എന്ന് നോക്കി പ്രവർത്തിച്ചതിനാലാണ്. ഇസ്ലാമിൽ ദൈവത്തിനേയും നബിയേയും വ്യാഖ്യാനിക്കാനോ പരിഭാഷപ്പെടുത്താൻ പോലുമോ തയ്യാറാകത്തത് കണക്കെ ഗുരുവചനങ്ങളെ പച്ചയായി മനസ്സിലാക്കുകയാണ് വേണ്ടത്.
കരുണ, അനുകമ്പ, അഹിംസ, സ്നേഹം, സ്വാഭിമാനവും, സാഹോദര്യം സ്വാതന്ത്യം എന്നീ സദാചാര മൂല്യങ്ങളിൽ അധിഷ്ഠിതമായ മനുഷ്യരെ എല്ലാരേയും ഒരുപോലെ കാണുന്ന ശ്രീനാരായണ മാനവധർമ്മം തിരിച്ചറിയപ്പെടുന്നതോടെ, സനാതന വർണ്ണാശ്രമ അധർമ്മത്തിന് പരിസമാപ്തിയാകുമെന്നും അദ്ദേഹം കൂട്ടിച്ചേർത്തു. വിവിധ സെക്ഷനുകളിലായി വി.ആർ.ജോഷി, സുദേഷ് എം.രഘു, ഡോ. എം. ശാർങധരൻ, ഗീതാ നസീർ, പ്രൊഫ. ഷീന ഷുക്കൂർ, അമൽ.സി.രാജൻ, അഡ്വ. എൻ.ഡി. പ്രേമചന്ദ്രൻ, ജെ. രഘു, പി.പി.രാജൻ, ഡോ. അജയ് ശേഖർ, സുദേഷ് എം.രഘു, പി.കെ.സുധീഷ് ബാബു തുടങ്ങിയവർ സംസാരിച്ചു.
വൻജനപങ്കാളിത്തമുണ്ടായ സെമിനാറിൽ അഡ്വ.സി.കെ. ആശ എം.എൽ.എ സമാപന സമ്മേളനം ഉദ്ഘാടനം ചെയ്തു.
Негізгі бет സനാതന വർണാശ്രമ അധർമ്മം | T S Syam Kumar
Пікірлер: 74