أحسن وصفة ديال Banana Bread Muffins 🤷♀️ على الأقل بالنسبة لي . جربت بزاف ديال الوصفات و هادي كتجي لذيذة و ناجحة ديما 👌😋
#EverydayCake #كيكة_يومية
تقدرو طيبوها بحال كيكة فمول كبير و لكن وقت الطياب فالفران كيتبدل. فبلاصت 20 دقيقة كيولي 40 دقيقة.
ها شنو ستعملت 👇
2 موزات 🍌
القليل من الملح
100 غ سكر تقدرو تعوضوه ب 2 موزات 🍌
60 غ زبدة مذابة أو زيت
100 غ لبن أو كريم فريش أو حليب و حتى الماء ممكن تخدمو بيه. ( اللبن و لا كريم كيجيبوهم أحسن)
250 غ دقيق
2 خميرات كميائية (16 غ). (أو ملعقة صغيرة و نصف بيكربونات الصوديوم)
معلقة كبيرة خل
و باش نسمو شوية ديال قشور الحامض أو قشور البرتقال أو الفاني
و صافي طحنو كلشي و زيدو لي بغيتو، فواكه، فواكه جافة، رقائق الشوكلاته ....
الفران كيكون مسخن من قبل مزياااااان على 180°c و مشعول من فوق و من تحت. هادي شي حاجة بازيك. مكندخلوش لكيكة لفران بارد و مكنبقاوش نشعلو من تحت عاد لفوق.
وقت الطهي 20 دقيقة.
و بالصحة و الراحة 😍
دابا قولو ليا واش غادي تجربوها؟
Негізгі бет Тәжірибелік нұсқаулар және стиль إحسن وصفة ديال Banana Bread Muffins 🤷♀️
Пікірлер: 2