#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Островская Светлана Николаевна
Островский Сергей Николаевич
Елімізде жеті жүз мыңнан аса мүмкіндігі шектеулі адам бар. Олар мемлекет тарапынан да, қоғам тарапынан да қолдауға мұқтаж. Мемлекет басшысы Қасым-Жомарт Тоқаев сол ерекше қажеттілігі бар азаматтарды үнемі назардан тыс қалдырмай, жан-жақты демеу үшін үкіметке үлкен міндеттер жүктейді. Мысалға, былтыр президенттің тапсырмасымен олардың жәрдемақысы тағы да көтерілді. Бұл жолы 14,5 пайызға дейді ресми ақпарат. Әлбетте, жәрдемақы мүмкіндігі шектеулі адамдардың барлық қажеттіліктеріне жетпейді. Бірақ, Жылдан жылға сол қаржының көлемі арта беретініне сенімдіміз. Бұл жерде тағы бір өзекті әрі маңызды мәселе бар. Сөз басында елде 700 мыңнан аса ерекше қажеттілігі бар адам бар екенін айттық. Соның ішінде 400 мыңнан астамы еңбекке қабілетті. Тап сол жандарды қоғамнан оқшауламай, еңбекке араластыру негізгі міндет болуы керек. Себебі, қайсар жандардың өздері еңбек етіп, ел қатарлы өмір сүргісі келеді. Солай істеп те жатыр. Мысалға, бүгінгі кейіпкерлеріміз ерлі зайыпты Островскийлер зағип жандар. Жанарынан жарық тайса да олар мал мен құс ұстап, сол арқылы табыс тауып отыр.
Зағип жандар брайль әліпбиімен сауат ашатынын білесіз. Олардың арасында да көкжиегі кең, білімді азаматтар көп. Әсіресе, зағип жандардың ішінде өнерпаздар жетерлік. Түрлі байқауға қатысып, әлеуметтік желіде кеңінен танылып жатқандары баршылық. Айтпағымыз, көру қабілеті нашарлаған азаматтар қараңғылықта қалдым деп, өмірден баз кешіп кеткен жоқ. Олар керісінше өмірге “көзсіз ғашық” болып, талпынып, әр күнін күреспен өткізуде. Бүгінгі кейіпкерлеріміз де, бір-бірлерін сүйіп қосылып, қайсарлық танытып, еңбектің арқасында ешкімнен кем емес екендерін дәлелдеп отыр.
Мен қазақтың бір қағидалы қанатты сөзін жиі қолданамын. “Еңбек еңсені тіктейді”. Рас, еңбек ғана адамның адамнан айырмасын көрсетеді. Маңдай терін төгіп, бар уақытын еңбекке арнаған адам ғана жетістікке жетпек. Кейде, мүмкіндігі шектеулі бірақ, еңбекқор адамдар он екі мүшесі сау жалқаулардан он есе артық екенін көреміз. Өйткені, олардың еңсесі еңбекпен тіктелген. Қандай жағдайға тап болсаңыз да, тағдыр қаншалықты сынаса да, деніңізге дерт жабысып, қолыңыз байлаулы болса да үмітті үзбей, күресті бір сәтке де тоқтатпаңыз. Өйткені, адамның мүмкіндігі шексіз! Рух, қайсарлық, жігер және еңбек бар жерде жеңістің де ауылы алыс емес. Бүгінгі кейіпкерлеріміз соның бір дәлелі болса керек.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: instagram.com/nartay_aralbayu...
Фейсбук: / nartai.sarsengaliyev
Негізгі бет Көзіміз көрмейді | Мал қораға жіп байлап барамыз | Үйімізді сатып сиыр алдық | ЕҢБЕК АДАМЫ #12
Пікірлер: 41